സുരേഷ് ഗോപിയുടെ മകനും കോണ്‍ഗ്രസ് നേതാവും നടുറോഡില്‍ ഏറ്റുമുട്ടി; മാധവ് സുരേഷിനെ പോലീസ് കൊണ്ടുപോയി പരിശോധിച്ചു

വാഹനം വഴിമാറ്റുന്നതിനെ ചൊല്ലി കേന്ദ്രമന്ത്രിയുടെ മകനും കോണ്‍ഗ്രസ് നേതാവും തമ്മില്‍ നടുറോഡില്‍ തര്‍ക്കം. ഇന്നലെ രാത്രി 11 മണിക്കാണ് കേന്ദ്ര മന്ത്രി സുരേഷ് ഗോപിയുടെ മകനും നടനുമായ മാധവ് സുരേഷും കെപിസിസി അംഗം വിനോദ് കൃഷ്ണയുമായി വാഗ്വാദമുണ്ടായത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ശാസ്തമംഗലത്ത് നടുറോഡില്‍ ഇരുവരും തമ്മില്‍ 15 മിനിറ്റോളം തര്‍ക്കിച്ചു. ഇതോടെ പോലീസെത്തി മാധവിനെ കൊണ്ടുപോവുകയും മദ്യപിച്ചിട്ടുണ്ടോയെന്ന് പരിശോധിക്കുകയും ചെയ്തു. എന്നാല്‍, മാധവ് സുരേഷ് മദ്യപിച്ചിട്ടില്ലെന്ന് കണ്ടെത്തിയെന്നാണ് പോലീസ് പറയുന്നത്.

തുടര്‍ന്ന് രണ്ടുപേര്‍ക്കുമെതിരെ കേസെടുക്കാതെ മ്യൂസിയം പൊലീസ് വിട്ടയക്കുകയായിരുന്നു. മാധവിനും വിനോദ് കൃഷ്ണക്കും പരാതിയില്ലെന്ന് അറിയിച്ചതിനാല്‍ വിട്ടയച്ചുവെന്നാണ് പോലീസ് പറയുന്നത്.

വിനോദ് രേഖാമൂലം പരാതി നല്‍കിയിരുന്നതായി പൊലീസ് അറിയിച്ചു. പിന്നീട് ഇരുവരും തമ്മില്‍ ധാരണയായതിനാല്‍ കേസെടുക്കാതെ വിട്ടയക്കുകയായിരുന്നു. ജിഡി എന്‍ട്രിയില്‍ രേഖപ്പെടുത്തി വിട്ടയച്ചുവെന്നുവെന്നാണ് പൊലീസ് അറിയിച്ചത്.

English News Summary
A dispute broke out between the son of a Union Minister and a Congress leader on the middle of the road over the diversion of a vehicle. At 11 pm last night, Union Minister Suresh Gopi’s son and actor Madhav Suresh got into an argument with KPCC member Vinod Krishna.