ഭര്‍ത്താവിനോടുള്ള കലിപ്പ് കാരണം 13 കാരിയായ മകളെ കാമുകനെയും സുഹൃത്തിനെയും കൊണ്ട് ബലാത്സംഗം ചെയ്യിച്ച് ഉത്തരാഖണ്ഡിലെ ബിജെപി നേതാവ്; പലയിടത്തും കൊണ്ടുപോയും കൂട്ടമായി പീഡിപ്പിച്ചു

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഡെറാഡൂണ്‍: ഭര്‍ത്താവിനോടുള്ള കലിപ്പ് കാരണം 13 കാരിയായ മകളെ കാമുകനെയും സുഹൃത്തിനെയും കൊണ്ട് ബലാത്സംഗം ചെയ്യിച്ച ഉത്തരാഖണ്ഡിലെ ബിജെപി നേതാവ് അറസ്റ്റില്‍. മഹിളാ മോര്‍ച്ചയുടെ മുന്‍ ജില്ലാ അധ്യക്ഷയായ അനാമിക ശര്‍മ, കാമുകന്‍ സുമിത് പട്‌വാള്‍ എന്നിവരാണ് പിടിയിലായത്. ഹരിദ്വാര്‍ ജില്ലയിലെ റാണിപൂര്‍ പോലീസ് സ്റ്റേഷന്‍ പരിധിയില്‍ ആണ് സംഭവം. കേസില്‍ ശുഭം എന്നപേരുള്ള മറ്റൊരു പ്രതിക്കായുള്ള തിരച്ചില്‍ തുടരുകയാണ്.

ഇരയായ പെണ്‍കുട്ടിയും അവളുടെ പിതാവും റാണിപൂര്‍ പോലീസ് സ്റ്റേഷനില്‍ സ്ത്രീക്കെതിരെ ഗുരുതരമായ ആരോപണങ്ങള്‍ ഉന്നയിച്ചിട്ടുണ്ടെന്ന് ഹരിദ്വാര്‍ എസ്എസ്പി പ്രമോദ് സിംഗ് ദോബല്‍ പറഞ്ഞു. പ്രാഥമിക അന്വേഷണത്തില്‍ ആരോപണങ്ങള്‍ ശരിയാണെന്ന് കണ്ടെത്തി. പെണ്‍കുട്ടിയെ വൈദ്യപരിശോധനയ്ക്ക് വിധേയയാക്കി. ലൈംഗിക പീഡനം സ്ഥിരീകരിക്കുകയും ചെയ്തു.

പ്രായപൂര്‍ത്തിയാകാത്ത മകളെ കാമുകനും അയാളുടെ സുഹൃത്തിനും മുന്നില്‍ അനാമിക ശര്‍മ കാഴ്ചവയ്ക്കുകയായിരുന്നു എന്നാണ് ആരോപണം. പോലീസ് യുവതിയെയും കാമുകനെയും അറസ്റ്റ് ചെയ്ത് കോടതിയില്‍ ഹാജരാക്കി. ശിവ് മൂര്‍ത്തി ചൗക്കിന് സമീപമുള്ള ഒരു ഹോട്ടലില്‍ നിന്ന് രണ്ട് പ്രതികളെയും അറസ്റ്റ് ചെയ്തിട്ടുണ്ട്. ഭര്‍ത്താവുമായി യുവതിക്ക് തര്‍ക്കമുണ്ടായിരുന്നു. കുറച്ചുനാളായി ഭര്‍ത്താവില്‍ നിന്ന് വേര്‍പിരിഞ്ഞാണ അനാമിക താമസിക്കുന്നത്.

വളരെക്കാലമായി ബിജെപി പ്രവര്‍ത്തകയും ഭാരവാഹിയുമാണ്. ബിജെപി മഹിളാ മോര്‍ച്ചയുടെ ജില്ലാ പ്രസിഡന്റായ അവര്‍ ബിജെപിയുടെ വിവിധ വേദികളില്‍ പ്രാദേശിക, വലിയ നേതാക്കള്‍ക്കൊപ്പം പ്രത്യക്ഷപ്പെട്ടു. എന്നിരുന്നാലും, കഴിഞ്ഞ വര്‍ഷം അവരുടെ നിഷ്‌ക്രിയത്വം കാരണം പാര്‍ട്ടി അവരെ ആ സ്ഥാനത്ത് നിന്ന് നീക്കി.

കേസ് പുറത്തുവന്നതിന് ശേഷം അനാമികയെ ബിജെപി പാര്‍ട്ടിയുടെ പ്രാഥമിക അംഗത്വത്തില്‍ നിന്ന് പുറത്താക്കി. ബിജെപി ജില്ലാ പ്രസിഡന്റ് അശുതോഷ് ശര്‍മ്മ പുറത്താക്കല്‍ സ്ഥിരീകരിച്ചു.

BJP Leader Anamika Sharma got her 13 Yrs Old Daughter Raped by her Lover Sumeet Patwal in Haridwar of BJP ruled Uttarakhand