‘ഒരു പുസ്തകവും ദേശീയപതാകയും കരുതാന്‍ മറക്കരുത്’; ഡല്‍ഹി വിമാനത്താവളത്തിലിറങ്ങിയ ശേഷം അഭിജീത് ദിപ്‌കെ; പാറ്റകള്‍ ഇന്ന് ജന്തര്‍ മന്ദിറില്‍

കോക്രോച്ച് ജനതാ പാര്‍ട്ടി പ്രതിഷേധം ലൈവ്: ഇന്ന് ജന്തര്‍ മന്ദിറില്‍ നടക്കാനിരിക്കുന്ന പ്രതിഷേധങ്ങളില്‍ പങ്കെടുക്കുന്നതിനായി കോക്രോച്ച് ജനതാ പാര്‍ട്ടി (CJP) സ്ഥാപകന്‍ അഭിജീത് ദിപ്‌കെ ശനിയാഴ്ച രാവിലെ 7:35 ഓടെ അമേരിക്കയില്‍ നിന്നും ഡല്‍ഹിയിലെത്തി. പ്രതിഷേധങ്ങളിലുള്ള തന്റെ ആവേശം പങ്കുവെച്ച ദിപ്‌കെ, സമരസ്ഥലത്തേക്ക് വരുമ്പോള്‍ കൂടെ ഒരു പുസ്തകവും ദേശീയപതാകയും കരുതാന്‍ പ്രതിഷേധക്കാരോട് ആവശ്യപ്പെട്ടു. ‘ഈ പ്രസ്ഥാനത്തെ സ്‌നേഹത്തോടും സമാധാനത്തോടും കൂടി നയിക്കുക!’ എന്നും അദ്ദേഹം അവരോട് അഭ്യര്‍ത്ഥിച്ചു. കേന്ദ്ര വിദ്യാഭ്യാസ മന്ത്രി ധര്‍മ്മേന്ദ്ര പ്രധാന്റെ രാജി ആവശ്യപ്പെട്ടാണ് പ്രതിഷേധക്കാര്‍ സമരം ചെയ്യുന്നത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പ്രതിഷേധക്കാരെ നേരിടാന്‍ ഡല്‍ഹി പോലീസ് രണ്ടായിരത്തോളം പോലീസുകാരെയാണ് വിന്യസിച്ചിട്ടുള്ളത്. പ്രതിഷേധക്കാരുടെ പ്രധാന ലക്ഷ്യമായ വിദ്യാഭ്യാസ മന്ത്രി ധര്‍മ്മേന്ദ്ര പ്രധാന്‍, പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ എന്നിവരുള്‍പ്പെടെയുള്ള വി.ഐ.പികളുടെ വീടുകള്‍ക്ക് പുറത്ത് പോലീസ് സുരക്ഷ ശക്തമാക്കും.

നിര്‍ദ്ദിഷ്ട പ്രതിഷേധവുമായി ബന്ധപ്പെട്ട് പ്രതിരോധ, നിയന്ത്രണ, ജനക്കൂട്ട നിയന്ത്രണ നടപടികള്‍ ആവശ്യപ്പെട്ട് സമര്‍പ്പിച്ച പൊതുതാത്പര്യ ഹര്‍ജിയില്‍ (PIL) അടിയന്തിര വാദം കേള്‍ക്കാന്‍ ഡല്‍ഹി ഹൈക്കോടതി വെള്ളിയാഴ്ച വിസമ്മതിച്ചിരുന്നു.

വ്യാജ നിയമ ബിരുദമുള്ള തൊഴിലില്ലാത്ത യുവാക്കളെ പ്രാണികളോട് (കൂറകളോട്) ഉപമിച്ചുകൊണ്ട് ഒരു വാദത്തിനിടെ ചീഫ് ജസ്റ്റിസ് സൂര്യകാന്ത് നടത്തിയ പരാമര്‍ശങ്ങളില്‍ നിന്നാണ് കോക്രോച്ച് ജനതാ പാര്‍ട്ടിയുടെ ഉത്ഭവം. ഈ പരാമര്‍ശം വലിയ രീതിയിലുള്ള ഓണ്‍ലൈന്‍ ചര്‍ച്ചകള്‍ക്ക് വഴിവെക്കുകയും ഒടുവില്‍ ഈ ‘ആക്ഷേപ ഹാസ്യ രാഷ്ട്രീയ പ്രസ്ഥാനത്തിന്റെ’ (satirical political movement) രൂപീകരണത്തിന് പ്രചോദനമാവുകയുമായിരുന്നു.

ALSO READ: ദേശീയ ചെയര്‍മാന്‍ ഉള്‍പ്പെടെ 25 പി.എഫ്.ഐ നേതാക്കള്‍ക്കെതിരെ കുറ്റം ചുമത്തി എന്‍.ഐ.എ കോടതി

ഒരു ഇന്റര്‍നെറ്റ് കാമ്പെയ്നായി തുടങ്ങിയ ഇത് പിന്നീട് വലിയൊരു ഓണ്‍ലൈന്‍ കൂട്ടായ്മയായി വളര്‍ന്നു. ഇന്‍സ്റ്റാഗ്രാം അക്കൗണ്ടില്‍ മാത്രം 8 ദശലക്ഷത്തിലധികം (80 ലക്ഷം) ഫോളോവേഴ്‌സ് ഉള്ള ഈ പാര്‍ട്ടിക്ക് സോഷ്യല്‍ മീഡിയ പ്ലാറ്റ്ഫോമുകളിലുടനീളം ദശലക്ഷക്കണക്കിന് പിന്തുണക്കാരുണ്ടെന്നാണ് അവകാശവാദം.

സാമൂഹിക പ്രവര്‍ത്തകന്‍ സോനം വാങ്ചുക്, നടന്‍ പ്രകാശ് രാജ് എന്നിവരുള്‍പ്പെടെ നിരവധി പ്രമുഖരും ഈ പ്രസ്ഥാനത്തിന് പിന്തുണ അറിയിച്ചിട്ടുണ്ട്. പ്രമുഖ രാഷ്ട്രീയ പാര്‍ട്ടി നേതാക്കള്‍ ഇന്ന് പരിപാടിയില്‍ പങ്കെടുക്കുമെന്നാണ് അറിയുന്നത്.

പ്രതിഷേധത്തെ സൂക്ഷിച്ച് കൈകാര്യം ചെയ്യണമെന്നാണ് കേന്ദ്ര ആഭ്യന്തര മന്ത്രാലയം നിർദ്ദേശം നൽകിയിരിക്കുന്നത്. ഇതിനിടെ ഡൽഹി പൊലീസ് തലസ്ഥാനത്ത് സുരക്ഷ ശക്തമാക്കിയിട്ടുണ്ട്. സുരക്ഷയുടെ ഭാ​ഗമായി ന്യൂഡൽഹി ജില്ലയെ 12 സോണുകളാക്കി തിരിച്ചിട്ടുണ്ട്. ഓരോ സോണിനും ഡിസിപിമാർക്ക് പ്രത്യേക സുരക്ഷാ ചുമതല നൽകിയിട്ടുണ്ട്. ജന്തർമന്ദിറിൽ മാത്രം 2000 പൊലീസുകാരെ നിയോ​ഗിച്ചിട്ടുണ്ട്.

Cockroach Janta Party Protest Live Updates