കോൺഗ്രസിൻ്റെ മൂന്നാം പട്ടിക ഇന്ന്, പ്രിയങ്ക ഗാന്ധി റായ്ബെറേലിയിൽ ഇറങ്ങുമോ?

കോൺഗ്രസിൻ്റെ മൂന്നാം പട്ടിക ഇന്ന്,
പ്രിയങ്ക ഗാന്ധി റായ്ബെറേലിയിൽ ഇറങ്ങുമോ?;

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ന്യൂഡൽഹി: ലോക്സഭാ തെരഞ്ഞെടുപ്പിനുള്ള കോൺ​ഗ്രസിന്റെ മൂന്നാംഘട്ട സ്ഥാനാർത്ഥി പട്ടിക ഇന്നുണ്ടായേക്കും. സോണിയ ഗാന്ധിയുടെ മണ്ഡലമായ റായ്ബെറേലിയിൽ നിന്ന് പ്രിയങ്ക ഗാന്ധിയുടെയും അമേഠിയിൽ നിന്നും രാഹുൽ ഗാന്ധിയുടെ പേരുകൾ മൂന്നാംഘട്ട പട്ടികയിൽ ഇടംപിടിക്കുമോ എന്നതും രാഷ്ട്രീയ കേന്ദ്രങ്ങൾ ഉറ്റുനോക്കുന്നു .

പ്രധാനമായും കർണാടക, പശ്ചിമ ബം​ഗാൾ, അരുണാചൽ പ്രദേശ്, സിക്കിം, തെലങ്കാന സംസ്ഥാനങ്ങളിലെ സ്ഥാനാർത്ഥി പട്ടികയ്ക്കാണ് കോൺ​ഗ്രസ് കേന്ദ്ര തിരഞ്ഞെടുപ്പ് സമിതി രൂപം നൽകിയിരിക്കുന്നത്.

കർണാടകയിലെ ​ഗുൽബർ​ഗിൽ നിന്ന് ഖർ​ഗെയുടെ മരുമകൻ രാധാക‍ൃഷ്ണൻ ഡി മത്സരിക്കും. 2009, 2014, 2019 ലോക്സഭാ തിരഞ്ഞെടുപ്പുകളിൽ ഗുൽബർ​ഗിൽ നിന്നാണ് ഖർ​ഗെ മത്സരിച്ചത്. ബംഗാളിൽ കോൺഗ്രസ് മത്സരിക്കുന്ന 12 സീറ്റുകളിലെ സ്ഥാനാർത്ഥികളെയും ഇന്ന് തന്നെ പ്രഖ്യാപിക്കുമെന്നാണ് റിപ്പോർട്ടുകൾ. നേരത്തെ ഇടത്-കോണ്‍ഗ്രസ്- ഇന്ത്യന്‍ സെക്കുലര്‍ ഫ്രണ്ട് (ഐഎസ്എഫ്) സഖ്യത്തിൻ്റെ സീറ്റ് ധാരണ പ്രകാരം കോൺഗ്രസിന് ബംഗാളിൽ 12 സീറ്റാണ് അനുവദിച്ചിരിക്കുന്നത്. പിസിസി അധ്യക്ഷൻ അധിർ രഞ്ജൻ ചൗധരി പശ്ചിമ ബം​ഗാളിലെ ബഹറംപൂരിൽ നിന്ന് മത്സരിക്കും. ഇവിടെ തൃണമൂലിനു വേണ്ടി യൂസുഫ് പത്താൻ അണ് മത്സരിക്കുന്നത്.

രണ്ട് ഘട്ടങ്ങളിലായി 82 സ്ഥാനാർത്ഥികളെയാണ് കോൺ​ഗ്രസ് ഇതുവരെ പ്രഖ്യാപിച്ചത്. ആദ്യഘട്ടത്തില്‍ 39 സീറ്റുകളിലേയ്ക്കും രണ്ടാം ഘട്ടത്തില്‍ 34 സീറ്റുകളിലേയ്ക്കുമാണ് കോണ്‍ഗ്രസ് സ്ഥാനാര്‍ത്ഥികളെ പ്രഖ്യാപിച്ചിരുന്നത്.

കേരളത്തിൽ മത്സരിക്കുന്ന16 മണ്ഡലത്തിലെ സ്ഥാനാർത്ഥികൾ ഉൾപ്പെടെയായിരുന്നു കോൺഗ്രസ് ആദ്യഘട്ടത്തിൽ l പ്രഖ്യാപിച്ചത്.