റിയാദ് വിമാനത്താവളത്തിന് സമീപം തീയും കനത്ത പുകയും; പൊട്ടിത്തെറി ശബ്ദങ്ങൾ കേട്ടതായി റിപ്പോർട്ട്

റിയാദ്: സൗദി അറേബ്യയിലെ റിയാദ് കിങ് ഖാലിദ് അന്താരാഷ്ട്ര വിമാനത്താവളത്തിന് സമീപം ശനിയാഴ്ച തീയും കറുത്ത പുകപടലവും ദൃശ്യമായി. വിമാനത്താവളത്തിന് സമീപത്ത് നിന്ന് ഉയർന്ന കറുത്ത പുകയുടെ വലിയ തൂണാണ് റോയിട്ടേഴ്സ് ദൃശ്യങ്ങളിൽ കാണുന്നത്. സംഭവത്തിന് പിന്നാലെ പ്രദേശത്ത് പൊട്ടിത്തെറി ശബ്ദങ്ങളും കേട്ടതായി റിപ്പോർട്ടുണ്ട്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

റിയാദിലും സമീപ നഗരമായ അൽ-ഖർജിലും രാത്രിയിൽ സൗദി സിവിൽ ഡിഫൻസ് മുന്നറിയിപ്പ് നൽകിയിരുന്നു. പ്രദേശത്ത് ഉണ്ടായേക്കാവുന്ന അപകടസാധ്യതയെക്കുറിച്ചായിരുന്നു മുന്നറിയിപ്പ്. പിന്നീട് ശനിയാഴ്ച രാവിലെ അപകടഭീഷണി ഒഴിഞ്ഞതായി അധികൃതർ അറിയിച്ചു.
സംഭവത്തിന്റെ കൃത്യമായ കാരണം സൗദി അധികൃതർ ഔദ്യോഗികമായി വ്യക്തമാക്കിയിട്ടില്ല.

അതേസമയം, യമനിലെ ഹൂതി വിഭാഗവുമായുള്ള സംഘർഷം രൂക്ഷമായ സാഹചര്യത്തിലാണ് റിയാദിൽ പുതിയ സംഭവവികാസങ്ങൾ ഉണ്ടായിരിക്കുന്നത്.
റിയാദ് വിമാനത്താവളത്തിലെ വിമാന സർവീസുകളെയും സംഭവം ബാധിച്ചതായി റിപ്പോർട്ടുണ്ട്. നിരവധി വിമാനങ്ങൾ വൈകുകയും ചില സർവീസുകൾ റദ്ദാക്കുകയും ചെയ്തതായി ഫ്ലൈറ്റ് ട്രാക്കിങ് വിവരങ്ങൾ സൂചിപ്പിക്കുന്നു.

ALSO READ:ഇസ്രയേലിന് വേണ്ടി ചാരപ്പണിയെടുത്തയാളെ ഇറാൻ ഒരാളെ വധശിക്ഷയ്ക്ക് വിധേയനാക്കി

News Tag Live യുട്യൂബ് ചാനല്‍ Subscribe ചെയ്യുക