കമ്മൽ അലർജിക്കു ചികിൽസ തേടിയ 18കാരി മരിച്ചു; അസ്വാഭാവിക മരണത്തിന് കേസ്

തി​രു​വ​ന​ന്ത​പു​രം: കമ്മൽ അലർജിക്കു ചികിൽസ തേടിയ 18കാരി മരിച്ചു. ആ​റ്റി​ങ്ങ​ൽ പി​ര​പ്പ​ൻ​കോ​ട്ടു​കോ​ണം സ്വ​ദേ​ശി മീ​നാ​ക്ഷി (18)യാണ് മരിച്ചത്. കുട്ടിയുടെ മരണത്തിനു പിന്നാലെ ചി​കി​ത്സാ പി​ഴ​വാരോപിച്ച് ബന്ധുക്കൾ രം​ഗ​ത്തെ​ത്തി. പരാതിയിൽ അ​സ്വാ​ഭാ​വി​ക മ​ര​ണ​ത്തി​ന് ആറ്റിങ്ങൽ പൊ​ലീ​സ് കേ​സെ​ടു​ത്തു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലാ​യി​രു​ന്നു മീ​നാ​ക്ഷി ചി​കി​ത്സ തേ​ടി​യ​ത്. കമ്മലിൽ നിന്നുണ്ടായ അ​ല​ർ​ജി​യെ തു​ട​ർ​ന്നാ​ണ് മീ​നാ​ക്ഷി​യെ ആ​ശു​പ​ത്രി​യി​ൽ പ്രവേശിപ്പിച്ചത്. പെൺകുട്ടി 11 ദി​വ​സം ചി​കി​ത്സ​യി​ലാ​യി​രു​ന്നു. ഡി​സ്ചാ​ർ​ജ് ചെ​യ്ത് വീ​ട്ടി​ലേ​ക്ക് മ​ട​ങ്ങു​ന്ന​തി​നി​ടെ മീ​നാ​ക്ഷി​ക്ക് വീ​ണ്ടും ദേ​ഹാ​സ്വാ​സ്ഥ്യ​മു​ണ്ടാ​യി. തിരികെ ആശുപത്രിയിൽ എ​ത്തി​ച്ചെ​ങ്കി​ലും ശ​നി​യാ​ഴ്ച വൈ​കീട്ട് നാ​ല​ര​യോ​ടെ മ​രണം സംഭവിക്കുകയായിരുന്നു.

ഹൃ​ദ​യാ​ഘാ​ത​മാ​ണ് മ​ര​ണ​കാ​ര​ണം എ​ന്നാ​ണ് ഡോ​ക്ട​ർ​മാ​രു​ടെ വി​ശ​ദീ​ക​ര​ണം.
അലർജിയെ തുടർന്ന് മെയ് രണ്ടിന് മീനാക്ഷിയെ ആദ്യം വെ​ഞ്ഞാ​റ​മൂ​ട്ടി​ലെ സ്വ​കാ​ര്യ ആ​ശു​പ​ത്രി​യിലായിരുന്നു പ്ര​വേ​ശി​പ്പി​ച്ചത്. ആ​രോ​ഗ്യ​സ്ഥി​തി മോ​ശ​മാ​യ​തി​നെ തു​ട​ർ​ന്ന് 17ാം തീയതി ​മെ​ഡി​ക്ക​ൽ കോ​ള​ജി​ലേ​ക്ക് മാ​റ്റുകയായിരുന്നു.