നാടിനെ വിറപ്പിച്ച പുലിയെ വെട്ടിക്കൊന്ന് ​ഗോപാലൻ സ്റ്റാറായി; കേസ് എടുക്കാനാവാതെ വനംവകുപ്പ്

ആടുമാടുകളെ തിന്ന് രസംപിടിച്ച് നടന്ന് നാട്ടുകാരെ ഭീതിയുടെ മുൾമുനയിൽ നിർത്തിയ പുലിയെ വെട്ടിക്കൊന്ന് ​ഗൃഹനാഥൻ താരമായി. ഇടുക്കി മാങ്കുളത്താണ് സംഭവം. പുലിയുടെ ആക്രമണത്തിൽ നിന്ന് രക്ഷപ്പെടുന്നതിനിടെയാണ് അമ്പതാംമൈൽ സ്വദേശി ​ഗോപാലൻ പുലിയെ വാക്കത്തിക്കൊണ്ട് വെട്ടിയത്. വെട്ടേറ്റ പുലി സംഭവസ്ഥലത്തു തന്നെ ചത്തു. 

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അതേസമയം, സ്വ​യ​ര​ക്ഷാ​ര്‍​ഥ​മാ​ണ് ഗോ​പാ​ല​ന്‍ പു​ലി​യെ കൊ​ന്ന​തെ​ന്ന് വ്യക്തമായതിനാൽ കേസെടുക്കില്ലെന്ന് വ​നം വ​കു​പ്പ് അറിയിച്ചു. ഗോപാലനെതിരേ കേസെടുക്കില്ലെന്ന് വനംമന്ത്രി എ കെ ശശീന്ദ്രനും വ്യക്തമാക്കിയിരുന്നു. ഇന്ന് പുലർച്ചെയാണ് ഗോ​പാ​ല​നെ പു​ലി ആ​ക്ര​മി​ച്ച​ത്. രാ​വി​ലെ സ​ഹോ​ദ​രന്‍റെ വീ​ട്ടി​ലേ​ക്ക് പോ​കു​മ്പോ​ഴാ​യി​രു​ന്നു പു​ലി​യു​ടെ ആ​ക്ര​മ​ണം. കൈ​ക്കും കാ​ലി​നുമാണ് ​ഗോപാലന് കടിയേറ്റത്. പരിക്കേറ്റ ​ഗോപാലനെ ആശുപത്രിയിൽ പ്രവേശിച്ചു.

പ്രദേശത്തെ നിരവധി ആടുമാടുകളെയാണ് പുലി കഴിഞ്ഞ ദിവസങ്ങളിലായി കൊന്നുതിന്നത്. പുലിയെ പിടിക്കാനുള്ള വനംവകുപ്പിന്റെ ശ്രമങ്ങൾ പരാജയപ്പെട്ടിരുന്നു. ഇതോടെ ഭീതിയിലാണ് നാട്ടുകാർ കഴിഞ്ഞിരുന്നത്. ​ഗോപാലന്റെ സാഹസികത സ്വന്തം ജീവൻ രക്ഷിക്കുന്നതിനും നാട്ടുകാരുടെ ഭീതിയകറ്റുന്നതിനും സഹായമായി. നിരവധി പേരാണ് ​ഗോപാലനെ പ്രശംസിച്ചു രം​ഗത്തുവന്നത്.