ഓഹരി വിപണിയിൽ കനത്ത ഇടിവ്; നിക്ഷേപകർക്ക് ₹4 ലക്ഷം കോടി നഷ്ടം

മുംബൈ: ഇന്ത്യൻ ഓഹരി വിപണിയിൽ തിങ്കളാഴ്ച കനത്ത ഇടിവ്. ബിഎസ്ഇ സെൻസെക്സ് ഏകദേശം 1,000 പോയിന്റ് താഴ്ന്നപ്പോൾ എൻഎസ്ഇ നിഫ്റ്റി 50ൽ 295 പോയിന്റിന്റെ ഇടിവുണ്ടായി. ഇതോടെ ബിഎസ്ഇയിൽ ലിസ്റ്റ് ചെയ്ത കമ്പനികളുടെ മൊത്തം വിപണിമൂല്യത്തിൽ ഏകദേശം ₹4 ലക്ഷം കോടി കുറഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

എച്ച്‌ഡിഎഫ്‌സി ബാങ്ക്, ഐസിഐസിഐ ബാങ്ക്, ആക്സിസ് ബാങ്ക് തുടങ്ങിയ പ്രമുഖ ഓഹരികളിലെ വിൽപ്പന സമ്മർദമാണ് വിപണിയെ പ്രധാനമായും ബാധിച്ചത്. ആഗോള വിപണിയിലെ അനിശ്ചിതത്വം, ഉയർന്ന ക്രൂഡ് ഓയിൽ വില, വിദേശ നിക്ഷേപകരുടെ തുടർച്ചയായ പിന്മാറ്റം എന്നിവയും ഇടിവിന് കാരണമായി.

ഒക്ടോബറിൽ ഇതുവരെ വിദേശ നിക്ഷേപകർ ഇന്ത്യൻ ഓഹരി വിപണിയിൽനിന്ന് ഏകദേശം ₹52,100 കോടി പിൻവലിച്ചതായാണ് റിപ്പോർട്ട്. വരും ദിവസങ്ങളിൽ കമ്പനികളുടെ ത്രൈമാസ ഫലങ്ങളും ക്രൂഡ് ഓയിൽ വിലയിലെ മാറ്റങ്ങളും വിദേശ നിക്ഷേപകരുടെ നിലപാടുകളും വിപണിയുടെ ഗതിയെ സ്വാധീനിക്കും.

News Tag Live യുട്യൂബ് ചാനല്‍ Subscribe ചെയ്യുക