17
Feb 2025
Sat
 |
|
കൊച്ചി: പിടിതരാതെ കേരളത്തിലെ സ്വർണവിലയിൽ ട്രെൻഡ്. ഇന്നലെ വില കുറഞ്ഞെങ്കിൽ ഇന്ന് അതുപോലെ കൂടി. സര്വകാല റെക്കോര്ഡ് ഉയരത്തില് നിന്ന് ഒരടി പിന്നാക്കം പോയ സ്വര്ണവിലയില് ഇന്ന് ചെറിയ മുന്നേറ്റം ആണ് രേഖപ്പെടുത്തിയത്. 160 രൂപ വര്ധിച്ച് ഒരു പവന് സ്വര്ണത്തിന്റെ ഇന്നത്തെ വില 64,360 രൂപയായി. ഗ്രാമിന് 20 രൂപയാണ് ഇന്ന് വര്ധിച്ചത്. 8045 രൂപയാണ് ഒരു ഗ്രാം സ്വര്ണത്തിന്റെ വില.
മിണിയാന്നു 280 രൂപ വര്ധിച്ചതോടെയാണ് 11ന് രേഖപ്പെടുത്തിയ 64,480 എന്ന എക്കാലത്തെയും ഉയര്ന്ന നിരക്ക് മറികടന്ന് സ്വര്ണവില റെക്കോർഡ് ഉയരത്തിൽ എത്തിയത്. 64,560 രൂപയായി ഉയര്ന്നാണ് സ്വര്ണവില റെക്കോര്ഡ് ഇട്ടത്. അടുത്ത ദിവസം തന്നെ 65,000 എന്ന സൈക്കോളജിക്കല് ലെവലും കടന്ന് സ്വര്ണവില കുതിക്കുമെന്ന സൂചനകള്ക്കിടെയാണ് ഇന്നലെ വിലയില് 360 രൂപ കുറഞ്ഞത്. എന്നാല് ഇന്ന് വീണ്ടും തിരിച്ചു കയറുക ആണെന്ന സൂചനയും ലഭിച്ചു.
രാജ്യാന്തര വിപണിയിലെ ചലനങ്ങള്ക്ക് അനുസരിച്ചാണ് രാജ്യത്ത് സ്വര്ണവില നിശ്ചയിക്കപ്പെടുന്നത്. ഡോളര് രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വര്ണവിലയെ സ്വാധീനിക്കുന്ന ഘടകങ്ങളാണ്.
കഴിഞ്ഞ കേന്ദ്ര ബജറ്റില് സ്വര്ണത്തിന്റെയും വെള്ളിയുടെയും പ്ലാറ്റിനത്തിന്റെയും ഇറക്കുമതി തീരുവ കേന്ദ്ര സര്ക്കാര് കുറച്ചിരുന്നു. സ്വര്ണത്തിന്റെയും വെള്ളിയുടെയും ഇറക്കുമതി തീരുവ ആറ് ശതമാനവും പ്ലാറ്റിനത്തിന്റേത് 6.4 ശതമാനവുമാണ് കുറച്ചത്.
നിലവില് പ്രാദേശികമായി പ്രവര്ത്തിക്കുന്ന ഗോള്ഡ് അസോസിയേഷനുകളാണ് ആഭ്യന്തര വിപണിയില് സ്വര്ണത്തിന് വിലയിടുന്നത്.
ഫെബ്രുവരി മാസത്തെ സ്വര്ണവില
Latest News
More Stories
All Rights Reserved © 2022