പിതാവിനെ കാണാനാവാതെ മഅ്ദനി മ​ട​ങ്ങി

കൊ​ച്ചി: ബം​ഗ​ളൂ​രു സ്ഫോ​ട​ന​ക്കേ​സി​ൽ വി​ചാ​ര​ണ​ത്ത​ടവുകാരനായ പി​ഡി​പി ചെ​യ​ർ​മാ​ൻ അ​ബ്ദു​ന്നാ​സ​ർ മ​അ്​ദ​നി ബം​ഗ​ളൂ​രു​വി​ലേ​ക്ക് മ​ട​ങ്ങി. ചി​കി​ത്സ​യി​ൽ ക​ഴി​യു​ന്ന പി​താ​വി​നെ കാ​ണാ​ൻ സു​പ്രിം​കോ​ട​തി​യു​ടെ പ്ര​ത്യേ​ക അ​നു​മ​തി​യോ​ടെ ജൂ​ൺ 26ന് കേ​ര​ള​ത്തി​ലെ​ത്തി​യ​ മഅ്ദനി പക്ഷേ യാത്രാലക്ഷ്യം കാണാതെയാണ് മടങ്ങിപ്പോയത്. ഭാ​ര്യ സൂ​ഫി​യ, പി​ഡി​പി സം​സ്ഥാ​ന ജ​ന​റ​ല്‍ സെ​ക്ര​ട്ട​റി​മാ​രാ​യ മു​ഹ​മ്മ​ദ് റ​ജീ​ബ്, സ​ലിം ബാ​ബു, നൗ​ഷാ​ദ് തി​ക്കോ​ടി, സ​ഹാ​യി​ക​ളാ​യ നാ​ല് പേ​രും ക​ര്‍​ണാ​ട​ക പൊ​ലീ​സ് ഓഫിസ​ര്‍ ഹേ​മ​ന്ദുമാണ് മഅ്ദനിക്കൊപ്പമുള്ളത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കർണാടകയിലെ ഭരണമാറ്റത്തിനു ശേഷം പൊലീസ് കർശനനിബന്ധനയിൽ ഇളവുവരുത്തിയതോടെയാണ് അദ്ദേഹത്തിന് കേരളയാത്ര തരപ്പെട്ടത്. സുരക്ഷാ ഉദ്യോ​ഗസ്ഥർക്കൊപ്പം നെടുമ്പാശ്ശേരിയിലെത്തിയ മഅ്ദനിക്ക് ദേ​ഹാ​സ്വാ​സ്ഥ്യം അ​നു​ഭ​വ​പ്പെടുകയും കൊ​ച്ചി​യി​ലെ മെ​ഡി​ക്ക​ൽ ട്ര​സ്റ്റ് ആ​ശു​പ​ത്രി​യി​ൽ പ്ര​വേ​ശി​പ്പി​ക്കുകയുമായിരു​ന്നു. രക്തസമ്മർദ്ദവും കൂടിയതും ക്രിയാറ്റിന്റെ അളവ് ക്രമാതീതമായി വർധിച്ചതും അടക്കം ആ​രോ​ഗ്യ​നി​ല മോ​ശ​മാ​യ​തി​നെ തു​ട​ർ​ന്നു ക​ഴി​ഞ്ഞ 12 ദി​വ​സവും ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്നു മഅ്ദനി. ഇടയ്ക്കിടെ നേരിയ തോതിൽ സ്ട്രോക്ക് ഉണ്ടാവുന്ന രോ​ഗാവസ്ഥയും മഅ്ദനി നേരിടുന്നുണ്ട്. ഉയർന്ന പ്രമേഹവും അദ്ദേഹത്തെ അലട്ടുന്നുണ്ട്.

News Tag Live യുട്യൂബ് ചാനല്‍ Subscribe ചെയ്യുക