22
Feb 2023
Thu
 |
|
റിയാദ്: കൊച്ചിയില് നിന്ന് റിയാദിലെത്തിയ മലയാളി എമിഗ്രേഷന് ക്ലിയറന്സിനിടെ ഹൃദയാഘാതത്തെ തുടര്ന്ന് മരിച്ചു. കിംങ് ഖാലിദ് അന്താരാഷ്ട്ര വിമാനത്താവളത്തില് സൗദി എയര്ലൈന്സ് വിമാനത്തിലെത്തിയ തൃശൂര് കൊടുങ്ങല്ലൂര് കൈപ്പമംഗലം കൈപ്പത്ത് അപ്പു ലാലു ആണ് മരിച്ചത്. 57 വയസ്സായിരുന്നു. ശാരീരിക അസ്വസ്ഥതകളെ തുടര്ന്ന് എയര്പോര്ട്ടില് അടിയന്തിര ചികിത്സ ലഭ്യമാക്കി. വിദഗ്ദ ചികിത്സക്ക് നൂറ ബിന്ദ് അബ്ദുറഹ്മാന് യൂണിവേഴ്സിറ്റിയിലെ കിംഗ് അബ്ദുല് അസീസ് അബ്ദുല്ല ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
റിയാദിലെ കമ്പനിയില് 32 വര്ഷമായി ഫോര്ക് ലിഫ്റ്റ് ഓപ്പറേറ്ററായിരുന്നു. വിമാനം ലാന്റ് ചെയ്തതിന് ശേഷം കമ്പനിയിലേക്ക് വിളിച്ചിരുന്നു. ലാലുവിനെ സ്വീകരിക്കാന് പാക്കിസ്ഥാന് പൗരനായ ഡ്രൈവര് എയര്പോര്ട്ടില് എത്തിയിരുന്നു.തുടര്ന്നാണ് എമിഗ്രേഷന് ക്ലിയറന്സിനിടെ മരിച്ചത്. മകന് ഹരിലാല് റിയാദിലുണ്ട്. ഭാര്യ: ലീല. ധന്യ, മീനു എന്നിവര് മക്കളാണ്.
Latest News
More Stories
All Rights Reserved © 2022