ജ​ഗ്ദീപ് ധൻകർ ഉപരാഷ്ട്രപതി

എൻഡിഎ സ്ഥാനാർഥി ജ​ഗ് ദീപ് ധൻകർ ഇന്ത്യയുടെ 14ാമത് ഉപരാഷ്ട്രപതി. 725 വോട്ടിൽ 528 വോട്ടുകൾ നേടിയാണ് ജ​ഗ് ദീപ് ധൻകർ ഉപരാഷ്ട്രപതി പദം ഉറപ്പിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പോൾ ചെയ്ത വോട്ടിൽ 18 വോട്ടുകൾ അസാധുവായതായി ലോക്സഭാ ജനറൽ സെക്രട്ടറി ഉത്പാൽ കെ സിങ് അറിയിച്ചു. പ്രതിപക്ഷ സ്ഥാനാർഥി മാർ​ഗരറ്റ് ആൽവയ്ക്ക് 182 വോട്ടുകളാണ് ലഭിച്ചത്. 

അഭിഭാഷകനായിരുന്ന ജ​ഗ്ദീപ് ധൻകർ ഒന്നുവീതം തവണ പാർലമെന്റിലേക്കും നിയമസഭയിലേക്കും മൽസരിച്ചുജയിച്ചിട്ടുണ്ട്. 2019ൽ പശ്ചിമബം​ഗാൾ ​ഗവർണറായി നിയമിതനായ ജ​ഗ് ദീപ് ധൻകർ ഉപരാഷ്ട്രപതിസ്ഥാനത്തേക്ക് മൽസരിക്കുന്നതിനായി 2022 ജൂലൈയിൽ സ്ഥാനം രാജിവയ്ക്കുകയായിരുന്നു. 

 1951 മെയ് 18നാണ് ​ഗോകൽ ചന്ദ്-കേസരി ദേവി ദമ്പതികളുടെ മകനായി രാജസ്ഥാനിലെ ജാട്ട് കുടുംബത്തിൽ ധൻകർ ജനിക്കുന്നത്.