തട്ടിക്കൊണ്ടുപോയി ബലാത്സംഗംചെയ്ത കേസില്‍ ജാമ്യത്തില്‍ കഴിയുന്ന ബിജെപി നേതാവിന്റെ മകനെ അസിസ്റ്റന്റ് അഡ്വക്കേറ്റ് ജനറലായി നിയമിച്ച് ഹരിയാന സര്‍ക്കാര്‍

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ന്യൂഡല്‍ഹി: തട്ടിക്കൊണ്ടുപോയി ബലാത്സംഗംചെയ്ത കേസില്‍ ജാമ്യത്തില്‍ കഴിയുന്ന ബിജെപി രാജ്യസഭാ എംപി സുഭാഷ് ബരാലയുടെ മകന്‍ വികാസ് ബരാലയെ അസിസ്റ്റന്റ് അഡ്വക്കേറ്റ് ജനറലായി (എഎജി) നിയമിച്ച് ഹരിയാനയിലെ ബിജെപി സര്‍ക്കാര്‍. അസിസ്റ്റന്റ് അഡ്വക്കേറ്റ് ജനറല്‍മാര്‍, ഡെപ്യൂട്ടി അഡ്വക്കേറ്റ് ജനറലുകള്‍, സീനിയര്‍ ഡെപ്യൂട്ടി അഡ്വക്കേറ്റ് ജനറലുകള്‍, അഡീഷണല്‍ അഡ്വക്കേറ്റ് ജനറലുകള്‍ എന്നീ തസ്തികകളിലേക്കുള്ള വിജ്ഞാപനത്തില്‍ ലിസ്റ്റ് ചെയ്ത 97 പുതിയ നിയമനങ്ങളില്‍ 2017 ലെ കേസില്‍ പ്രതിയായ വികാസിന്റെ പേരും ഉള്‍പ്പെടുന്നു.

ഈ കേസില്‍ വികാസ് നിലവില്‍ ജാമ്യത്തിലാണ്. മദ്യപിച്ച് വാഹനമോടിച്ചതിന് പുറമെ ഐപിസി സെക്ഷന്‍ 354 ഡി (പിന്തുടരല്‍), 341 (തെറ്റായ നിയന്ത്രണം), 365 (തട്ടിക്കൊണ്ടുപോകാന്‍ ശ്രമിക്കല്‍), 511 എന്നീ വകുപ്പുകള്‍ പ്രകാരമാണ് വികാസിനും സുഹൃത്ത് ആശിഷ് കുമാറിനുമെതിരെ 2017 ഓഗസ്റ്റ് 5 ന് കേസ് രജിസ്റ്റര്‍ ചെയ്തത്. ഹരിയാന കേഡര്‍ ഐഎഎസ് ഉദ്യോഗസ്ഥനായ വി എസ് കുണ്ടുവിന്റെ മകള്‍ വര്‍ണിക കുണ്ഡു നല്‍കിയ പരാതിയില്‍ ഇരുവരും ചണ്ഡീഗഡില്‍ രാത്രി തന്നെ പിന്തുടര്‍ന്ന് ബലമായി വാഹനത്തില്‍ കയറാന്‍ ശ്രമിച്ചുവെന്ന് ആരോപിച്ചിരുന്നു. ലൈംഗിക പീഡനക്കേസിലെ വിചാരണ ഇപ്പോഴും ചണ്ഡീഗഡ് കോടതിയില്‍ നടക്കുകയാണ്.

വര്‍ണികയുടെ പരാതിയുടെ അടിസ്ഥാനത്തില്‍ സെക്ടര്‍ 26 പോലീസ് സ്റ്റേഷനില്‍ എഫ്‌ഐആര്‍ രജിസ്റ്റര്‍ ചെയ്യുകയും 2017 ഓഗസ്റ്റ് 9 ന് വികാസിനെയും ആശിഷിനെയും അറസ്റ്റ് ചെയ്യുകയും ചെയ്തു. ആ വര്‍ഷം ഒക്ടോബറിലാണ് പ്രതികള്‍ക്കെതിരെ കുറ്റപത്രം സമര്‍പ്പിച്ചത്.

2018 ജനുവരിയില്‍ പഞ്ചാബ്ഹരിയാന ഹൈക്കോടതി ജാമ്യം നല്‍കുന്നതുവരെ വികാസ് ബുറൈലിലെ ചണ്ഡീഗഢിലെ മോഡല്‍ ജയിലില്‍ കഴിയുകയായിരുന്നു.  വിചാരണയില്‍ അടുത്ത വാദം കേള്‍ക്കല്‍ 2025 ഓഗസ്റ്റ് 2 ന് നടക്കാനിരിക്കെ ആണ് പുതിയ നിയമനം.

സംഭവ സമയത്ത് നിയമ വിദ്യാര്‍ത്ഥിയായിരുന്ന വികാസിന് 2017 ഡിസംബറില്‍ കുരുക്ഷേത്ര സര്‍വകലാശാലയില്‍ നിന്ന് ഡിഗ്രി പരീക്ഷ എഴുതാന്‍ ഹൈക്കോടതി അനുമതി നല്‍കി.

സുഭാഷ് ബരാല 2014 ഡിസംബര്‍ മുതല്‍ 2020 ജൂലൈ വരെ ഹരിയാന ബിജെപി അധ്യക്ഷനായി സേവനമനുഷ്ഠിച്ചു.  ഫത്തേഹാബാദ് ജില്ലയിലെ ടോഹാനയില്‍ നിന്ന് 2019 ഒക്ടോബറില്‍ നടന്ന നിയമസഭാ തിരഞ്ഞെടുപ്പില്‍ പരാജയപ്പെട്ട അദ്ദേഹം ഹരിയാന ബ്യൂറോ ഓഫ് പബ്ലിക് എന്റര്‍പ്രൈസസിന്റെ ചെയര്‍മാനായി നിയമിക്കപ്പെട്ടു.  2024 ഫെബ്രുവരിയില്‍ അദ്ദേഹം ഹരിയാനയില്‍ നിന്ന് രാജ്യസഭയിലേക്ക് എതിരില്ലാതെ തിരഞ്ഞെടുക്കപ്പെട്ടു.

കോണ്‍ഗ്രസ് നേതാവും ഹരിയാന മുന്‍ മുഖ്യമന്ത്രിയുമായ ഭൂപീന്ദര്‍ സിംഗ് ഹൂഡ സര്‍ക്കാരിന്റെ തീരുമാനത്തെ ചോദ്യം ചെയ്തു.  ‘അഡ്വക്കേറ്റ് ജനറലിന്റെ ഓഫീസില്‍ യോഗ്യരായ ആളുകളെ മാത്രമേ നിയമിക്കാവൂ’, ഹൂഡ പറഞ്ഞു.

On bail in sexual harassment case, BJP MP’s son appointed law officer

BJP Rajya Sabha MP Subhash Barala’s son Vikas Barala, who is facing charges of sexual harassment for allegedly stalking and attempting to kidnap the daughter of an IAS officer eight years ago, has been appointed as Assistant Advocate General (AAG) in Haryana, according to an official notification dated July 18.