ഫലസ്തീന്‍ ഐക്യദാര്‍ഢ്യ റാലിയില്‍ പങ്കെടുക്കുമെന്ന് ശശി തരൂര്‍; പറ്റില്ലന്ന് കെ മുരളീധരന്‍

നവംബര്‍ 23 ന് കോണ്‍ഗ്രസ് സംഘടിപ്പിക്കുന്ന ഫലസ്തീന്‍ ഐക്യദാര്‍ഡ്യ റാലിയില്‍ താന്‍ പങ്കെടുക്കുമെന്ന് പ്രവര്‍ത്തക സമിതിയംഗം ശശി തരൂര്‍. എന്നാല്‍ തരൂരിനെ പങ്കെടുപ്പിക്കുന്നതിനെതിരെ ശക്തമായ പ്രതിഷേധമുയര്‍ത്തുകയാണ് കെ മുരളീധരന്‍. ഇതോടെ ഫലസ്തീന്‍ ഐക്യദാര്‍ഡ്യ റാലിയുടെ പേരില്‍ കോണ്‍ഗ്രില്‍ അനൈക്യവും ചേരിപ്പോരും ശക്തമാവുകയാണ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കോണ്‍ഗ്രസ് പ്രവര്‍ത്തക സമതിയംഗമായത് കൊണ്ട് കെ പി സി സി സംഘടിപ്പിക്കുന്ന പരിപാടിയില്‍ ശശി തരൂരിനെ ക്ഷണിക്കേണ്ടി വരും.അത് കൊണ്ട് തന്നെ പരിപാടിയില്‍ തരൂര്‍ പങ്കെടുക്കുമെന്നാണ് ഇതുവരെയുള്ള റിപ്പോര്‍ട്ട്. കെ പി സി സി ആസ്ഥാനമായ ഇന്ദിരാഭവനില്‍ നടന്ന നെഹ്റു അനുസ്മരണ ചടങ്ങില്‍ ഫലസ്തീനെക്കുറിച്ച് തന്നെ ആരും പഠിപ്പിക്കാന്‍ വരേണ്ടെന്നും യാസര്‍ അറാഫത്ത അടക്കമുള്ള പാലസ്തീന്‍ നേതാക്കളുമായി വ്യക്തിപരമായ വളരെ അടുപ്പമുള്ള നേതാവായിരുന്നു താനെന്നും ശശി തരൂര്‍ തുറന്നടിച്ചിരുന്നു.ഇതിനെതിരെ ആരും കോണ്‍ഗ്രസില്‍ നിന്നും ഒരക്ഷരം ഇതുവരെ സംസാരിച്ചിട്ടില്ല.

നവംബര്‍ 23 ന് കെ പി സി സി സംഘടിപ്പിക്കുന്ന ഫലസ്തീന്‍ ഐക്യാദാര്‍ഡ്യ റാലി കോണ്‍ഗ്രസിനെ സംബന്ധിച്ചിടത്തോളം അതീവ പ്രധാന്യമുള്ളതാണ്. സി പി എമ്മും മുസ്ലീം ലീഗും നടത്തിയ റാലിയെ കവച്ചു വയ്കുന്നതാകണം കോഴിക്കോട് റാലിയെന്നാണ് കോണ്‍ഗ്രസ് നേതൃത്വം ആഗ്രഹിക്കുന്നത്്.