28
Dec 2024
Thu
ഭോപ്പാല്: മധ്യപ്രദേശിലെ രാജ്ഗഡ് ജില്ലാ ആശുപത്രിയില് ഓക്സിജന് വിതരണം ചെയ്യുന്ന പൈപ്പ് മോഷണം പോയതിനെ തുടര്ന്ന് നവജാത ശിശുക്കളുടെ തീവ്രപരിചരണ വിഭാഗത്തിലേക്കുള്ള (NICU) ഓക്സിജന് പ്രവാഹം തടസ്സപ്പെട്ടു. ഇതോടെ ഓക്സിജനെ ആശ്രയിക്കുന്ന 12 ശിശുക്കള്ക്ക് ശ്വാസതടസ്സം നേരിട്ടു. (Theft of an oxygen supply pipe at Rajgarh District Hospital in Madhya Pradesh has disrupted the flow of oxygen to the neonatal intensive care unit (NICU), causing breathing difficulties for 12 oxygen-dependent infants.).
 |
|
ചൊവ്വാഴ്ച രാത്രി വൈകിയാണ് സംഭവം നടന്നത്. 10 മുതല് 15 അടി വരെ നീളമുള്ള ചെമ്പ് പൈപ്പ് ആണ് മോഷണം പോയത്. എന്ഐസിയുവിലേക്ക് ഓക്സിജന് നല്കികൊണ്ടിരുന്ന പൈപ്പായിരുന്നു ഇത്. സംഭവം നടക്കുമ്പോള് 12 കുട്ടികള് ആണ് എന്ഐസിയുവില് ഉണ്ടായിരുന്നത്. ഓക്സിജന് ഒഴുക്ക് നിലച്ചതോടെ യൂണിറ്റിലെ നവജാതശിശുക്കള് കരയാനും പിടയാനും തുടങ്ങി. സംഭവത്തിന്റെ അടിയന്തര സ്വഭാവം മെഡിക്കല് സ്റ്റാഫിനെ അറിയിച്ചു. എന്.ഐ.സി.യുവിന്റെ ഇന്ബില്റ്റ് അലാറം സംവിധാനവും സജീവമാക്കി.
ജംബോ ഓക്സിജന് സിലിണ്ടര് സിസ്റ്റവുമായി ബന്ധിപ്പിച്ച് വിതരണം പുനഃസ്ഥാപിച്ചതിനാല് വന് ദുരന്തം ഒഴിവാക്കാന് മെഡിക്കല് സ്റ്റാഫിന് കഴിഞ്ഞു.
ഓക്സിജന് വിതരണം വേഗത്തില് പുനഃസ്ഥാപിച്ചതായി രാജ്ഗഡ് ചീഫ് മെഡിക്കല് ആന്ഡ് ഹെല്ത്ത് ഓഫീസര് (സിഎംഎച്ച്ഒ) ഡോ കിരണ് വാഡിയ സ്ഥിരീകരിച്ചു.
‘സംഭവത്തെക്കുറിച്ച് ഉന്നത അധികാരികളെ അറിയിച്ചിട്ടുണ്ട്. ബാക്കപ്പ് സംവിധാനത്തിന് നന്ദി. ഞങ്ങള് പ്രതിസന്ധി ഫലപ്രദമായി കൈകാര്യം ചെയ്തു. ജീവനക്കാര് ഉടനടി പ്രവര്ത്തിച്ചു, ബാക്കപ്പ് സിസ്റ്റം ജീവന് നഷ്ടപ്പെടില്ലെന്ന് ഉറപ്പാക്കി- വാഡിയ പറഞ്ഞു.
സംഭവസമയത്ത് 20 നവജാതശിശുക്കള് ആണ് എന്ഐസിയുവില് ചികിത്സയില് ഉണ്ടായിരുന്നത്. ഇതില് 12 ശിശുക്കള് ഓക്സിജനെ ആശ്രയിച്ചു വരികയായിരുന്നു.
ആരാണ് മോഷണത്തിന് പിന്നിലെന്ന് ഇതുവരെ കണ്ടെത്താനായിട്ടില്ല
Thief steals oxygen pipe from NICU Newborns struggle to breathe
Latest News
Trending
More Stories
All Rights Reserved © 2022