വിപിഎൻ ഉപയോ​ഗത്തിന് പൂട്ടിട്ട് യുഎഇ; 20 ലക്ഷം ദിർഹം വരെ പിഴ

നിരോധിത വെബ്സൈറ്റുകളുടെയും ആപ്പുകളുടെയും ലഭ്യതയ്ക്കായി വെർച്വൽ പ്രൈവറ്റ് നെറ്റ് വർക്ക്(വിപിഎൻ)ഉപയോ​ഗിക്കുന്നതിനെതിരേ മുന്നറിയിപ്പുമായി യുഎഇ. നിയമലംഘകർക്ക് അഞ്ചുലക്ഷം മുതൽ 20 ലക്ഷം ദിർഹം വരെ പിഴയും തടവും ശിക്ഷലഭിക്കും. കുറ്റകൃത്യത്തിന്റെ വ്യാപ്തി അനുസരിച്ചായിരിക്കും ശിക്ഷ തീരുമാനിക്കുക. 

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വാട്സ്ആപ്പ്, സ്കൈപ്പ്, ഫേസ്ടൈം, ഡിസ്കോർഡ്, ഐഎംഒ തുടങ്ങിയവ മുഖേന വീഡിയോ, ഓഡിയോ കോൾ ചെയ്യുന്നതിനും ഡേറ്റിങ്, ചൂതാട്ടം എന്നിവയ്ക്കും അശ്ലീലവീഡിയോ മുതലായവ കാണുന്നതിനുമായി വിപിഎൻ ഉപയോ​ഗിക്കുന്നവരുടെ എണ്ണത്തിൽ വർധനവുണ്ടായ സാഹചര്യത്തിലാണ് നടപടി. 

കമ്പനികൾക്കും സ്ഥാപനങ്ങൾക്കും ബാങ്കുകൾക്ക് ആഭ്യന്തര ഉപയോ​ഗങ്ങൾക്കായി വിപിഎൻ അനുവദിച്ചതായി 2016ൽ ടെലികമ്മ്യൂണിക്കേഷൻസ് ആൻഡ് ഡിജിറ്റൽ ​ഗവൺമെന്റ് റെ​ഗുലേറ്ററി അതോറിറ്റി വ്യക്തമാക്കിയിരുന്നു. 

എന്നാൽ നിയമവിരുദ്ധമായി വിപിഎൻ ഉപയോ​ഗിക്കുന്നതിനെതിരേയാണ് അധികൃതർ കർശന നടപടി സ്വീകരിക്കാൻ തീരുമാനിച്ചിരിക്കുന്നത്.