അവിഹിത ബന്ധമുണ്ടെന്ന് സംശയം; കൗണ്‍സിലറെ ഭര്‍ത്താവ് വെട്ടിക്കൊന്നു

ചെന്നൈ: അവിഹിത ബന്ധമുണ്ടെന്ന സംശയത്തില്‍ വനിതാ കൗണ്‍സിലറെ ഭര്‍ത്താവു വെട്ടിക്കൊന്നു. (Women councellor brutally hacked to death in Thiruvallur) വിസികെ കൗണ്‍സിലര്‍ എസ്.ഗോമതിയെ (38) ഭര്‍ത്താവ് സ്റ്റീഫന്‍ രാജാണ് കൊലപ്പെടുത്തിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

തിരുവള്ളൂര്‍ ജില്ലയിലെ തിരുനിന്ദ്രാവൂര്‍ മുന്‍സിപ്പാലിറ്റിയിലെ കൗണ്‍സിലറാണ് ഗോമതി. കൊലപാതകത്തിനു പിന്നാലെ സ്റ്റീഫന്‍ രാജ് പൊലീസില്‍ കീഴടങ്ങി. ഇയാളും വിസികെ നേതാവാണ്.

10 വര്‍ഷം മുന്‍പ് വിവാഹിതരായ ഇവര്‍ 4 കുട്ടികള്‍ക്കൊപ്പം പെരിയ കോളനിയിലാണു താമസിച്ചിരുന്നത്. കുറച്ച് മാസങ്ങളായി കുടുംബപ്രശ്‌നങ്ങളുണ്ടായിരുന്നതായി പൊലീസ് കണ്ടെത്തി.

ALSO READ: ജപ്പാനില്‍ ഒരു ചുക്കും സംഭവിച്ചില്ല; കോമിക്ക് പുസ്തകത്തിലെ തള്ള് വിശ്വസിച്ച രാജ്യത്തിന് നഷ്ടം കോടികള്‍

ഗോമതിക്ക് മറ്റൊരു യുവാവുമായി ബന്ധമുണ്ടെന്ന സംശയമാണ് പ്രശ്‌നങ്ങളിലേക്ക് നയിച്ചത്. വെള്ളിയാഴ്ച രാത്രി, തര്‍ക്കമുണ്ടായതിനു പിന്നാലെ, ഭര്‍ത്താവ് സ്റ്റീഫന്‍ രാജ് യുവതിയെ വെട്ടുകയായിരുന്നു. സംഭവ സ്ഥലത്തു തന്നെ മരിച്ചു.

തിരുവള്ളൂര്‍ പൊലീസ് കേസെടുത്ത് അന്വേഷണം ആരംഭിച്ചു. ഗോമതിയുടെ മൃതദേഹം പോസ്റ്റ്മോര്‍ട്ടത്തിനായി തിരുവള്ളൂര്‍ സര്‍ക്കാര്‍ ആശുപത്രിയിലേക്ക് മാറ്റി.