24
Nov 2025
Mon
Kochi water tank collapse എറണാകുളം തമ്മനത്ത് ജല അതോറിറ്റിയുടെ കൂറ്റന് വാട്ടര്ടാങ്ക് തകര്ന്നു. വീടുകളില് വെള്ളം കയറി. മതിലുകള് തകര്ന്നു. വാഹനങ്ങള്ക്ക് കേടുപാടുണ്ടായി. നഗരത്തില് ജലവിതരണം മുടങ്ങും. 1.35 കോടി ലീറ്റര് ശേഷിയുള്ള വാട്ടര് അതോറ്റിയുടെ ടാങ്കാണ് പുലര്ച്ചെ മൂന്നു മണിയോടെ തകര്ന്നത്.
 |
|
അപകടം നടക്കുമ്പോള് 1.10 ലക്ഷം ലിറ്റര് വെള്ളമായിരുന്നു ടാങ്കില് ഉണ്ടായിരുന്നത്. ഇതോടെ അതിവേഗത്തില് വെള്ളം പുറത്തേയ്ക്ക് ഒഴുകി. ടാങ്കിനു പിന്നിലായുള്ള പത്തോളം വീടുകളില് വെളളം കയറി. വെള്ളത്തില് ഒഴുകിപ്പോയി വാഹനങ്ങള്ക്ക് കേടുപാടുകളുണ്ടായിട്ടുണ്ട്. വീട്ടുപകരണങ്ങളും നശിച്ചു.
കമ്പ്യൂട്ടര്, വാഷിങ്മെഷീന്, ഫ്രിഡ്ജ്, മോട്ടര് അടക്കം ചില വീടുകളില് വലിയ രീതിയില് നാശനഷ്ടമുണ്ടായി. മതില് തകര്ന്നുവീണ് വീടിന് പുറത്ത് നിര്ത്തിയിട്ട കാറിന് നാശനഷ്ടം സംഭവിച്ചു. അടുത്തിടെ പുതുക്കി പണിത റോഡ് തകര്ന്നു. ഇരുചക്രവാഹനങ്ങള് ഒഴുകി പോകുകയും ചെയ്തു.
ALSO READ: വിജയ്ക്കൊപ്പം ചുവട് വച്ച് മമിതയും പൂജയും; ജനനായകന്റെ ‘ദളപതി കച്ചേരി’ വൈറല്
കോര്പറേഷന് 45ാം ഡിവിഷനിലെ ജലസംഭരണിയാണ് തകര്ന്നത്. തകര്ന്ന ടാങ്കിന് 40 വര്ഷത്തിലേറെ പഴക്കമുണ്ട്. രണ്ട് ക്യാബിനുള്ള ജലസംഭരണിയായിരുന്നു തമ്മനത്തേത്ത്. ഇതില് ഒരു ക്യാബിനിന്റെ ഒരു ഭാഗത്തെ ഭിത്തിയാണ് അടര്ന്നു പോയത്. പുലര്ച്ചെയായതിനാല് ആളുകള് അറിയാന് വൈകിയതിനാല് ദുരിതം ഇരട്ടിയാക്കി.
24 മണിക്കൂറും പമ്പിംഗ് നടക്കുന്ന പമ്പിംഗ് സ്റ്റേഷനാണിത്. കൊച്ചി നഗരത്തിലെ 80 ശതമാനം ഭാഗങ്ങളിലേയ്ക്കുള്ള കുടിവെള്ള വിതരണം നടക്കുന്നത് ഇവിടെ നിന്നാണ്. വാട്ടര്ടാങ്ക് തകര്ന്ന പശ്ചാത്തലത്തില് കൊച്ചി നഗരത്തില് കുടിവെള്ള വിതരണം മുടങ്ങും. തമ്മനം, കടവന്ത്ര, വൈറ്റില, കലൂര്, പനമ്പിള്ളിനഗര്, പാലാരിവട്ടം, പേട്ട, സൗത്ത് തുടങ്ങിയ ഭാഗങ്ങളിലേയ്ക്കുള്ള കുടിവെള്ള വിതരണമാകും മുടങ്ങുക. ആലുവയില് നിന്ന് വരുന്ന വെള്ളം സംഭരിക്കുന്നയിടം കൂടിയാണിത്. അതുകൊണ്ടുതന്നെ ആലുവയില് നിന്നുള്ള വെള്ളം വഴിതിരിച്ചുവിടേണ്ടി വരും.
Latest News
More Stories
All Rights Reserved © 2022