ഇന്ത്യൻ അമേരിക്കൻ വംശജൻ അജയ് ബംഗ ലോകബാങ്ക് പ്രസിഡന്റാകും

വാഷിംഗ്ടൺ: ഇന്ത്യൻ അമേരിക്കൻ വംശജനായ 63കാരൻ അജയ് ബംഗയെ ലോകബാങ്കിന്റെ അടുത്ത പ്രസിഡന്റായി തെരഞ്ഞെടുത്തു. ലോകബാങ്കിന്റെ 25 അംഗ എക്‌സിക്യൂട്ടീവ് ബോർഡാണ് തെരഞ്ഞെടുപ്പിലൂടെ അജയ് ബംഗയെ പ്രസിഡന്റായി അംഗീകരിച്ചത്. വോട്ടെടുപ്പിൽ റഷ്യ വിട്ടുനിന്നു. മാസ്റ്റർകാർഡ് മുൻ സി ഇ ഒയാണ് അജയ് ബംഗ. ജൂൺ രണ്ടു മുതൽ അഞ്ച് വർഷമാണ് അദ്ദേഹത്തിന്റെ കാലാവധി. യു. എസ് പ്രസിഡന്റ് ജോ ബൈഡനാണ് ബംഗയെ സ്ഥാനത്തേക്ക് നാമനിർദ്ദേശം ചെയ്തത്. ഡൊണാൾഡ് ട്രംപ് ഭരണകാലത്ത് സാമ്പത്തിക വിദഗ്ധനും മുൻ യു എസ് ട്രഷറി ഉദ്യോഗസ്ഥനുമായ ഡേവിഡ് മാൽപാസ് സ്ഥാനമൊഴിയുന്ന ലോകബാങ്കിന്റെ പ്രസിഡന്റ് സ്ഥാനത്തേക്കുള്ള ഏക നാമനിർദ്ദേശമായിരുന്നു അജയ് ബംഗയുടേത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ലോകബാങ്ക് ബോർഡ് അംഗങ്ങൾ തിങ്കളാഴ്ച നാല് മണിക്കൂർ ബംഗയുമായി അഭിമുഖം നടത്തിയതിന് ശേഷമാണ് തിരഞ്ഞെടുപ്പ് നടന്നത്. ബാങ്കിലെ മാൽപാസിന്റെ അവസാന ദിവസം ജൂൺ 1 ആയിരിക്കും. ബോർഡിലെ 24 അംഗങ്ങളുടെ വോട്ടെടുപ്പിലാണ് തീരുമാനം, സാധാരണ സമവായ അധിഷ്ഠിത പ്രക്രിയയ്ക്ക് വിരുദ്ധമായി ഇക്കുറി റഷ്യ വിട്ടുനിന്നുവെന്ന് ഇതുമായി അടുത്ത വൃത്തങ്ങൾ പറഞ്ഞു.

അടുത്ത ആഴ്ചകളിൽ ബോർഡ് അംഗങ്ങളുമായുള്ള നിരവധി കൂടികാഴ്ചകൾക്കും തിങ്കളാഴ്ചത്തെ ഔപചാരിക അഭിമുഖത്തിനും ശേഷം ബംഗയ്ക്ക് ബോർഡിന്റെ അംഗീകാരം ലഭിക്കുമെന്ന് ഈ പ്രക്രിയയെക്കുറിച്ച് പരിചയമുള്ള വിവിധ സ്രോതസ്സുകൾ പറയുന്നു.