22
Nov 2024
Wed
ലണ്ടന്: 5,900 കോടി രൂപ (569 മില്യന് പൗണ്ട്) വിലമതിക്കുന്ന ഹാര്ഡ് ഡ്രൈവ് തിരയാന് അനുമതി തേടി യുവാവ് കോടതിയില്. (Hard drive containing Bitcoin worth Rs 5,900 crore accidentally thrown away) 8000 ബിറ്റ്കോയിന് അടങ്ങിയ മുന് പങ്കാളിയുടെ ഹാര്ഡ് ഡ്രൈവ് യുവതി അബദ്ധത്തില് വലിച്ചെറിഞ്ഞതാണ് കഥയുടെ തുടക്കം.
 |
|
വെയില്സില്നിന്നുള്ള ഹല്ഫിന എഡ്ഡി ഇവാന്സ് പത്ത് വര്ഷം മുമ്പ് വീട് വൃത്തിയാക്കുന്നതിനിടെയാണ് ഹാര്ഡ് ഡ്രൈവ് ഒഴിവാക്കിയത്. ഹല്ഫിനയുടെ മുന് പങ്കാളി ജെയിംസ് ഹോവെല്സിന്റേതാണ് നഷ്ടപ്പെട്ട ഹാര്ഡ് ഡ്രൈവ്. നിലവില് വെയില്സിലെ ന്യൂപോര്ട്ട് മാലിന്യ നിക്ഷേപ സൈറ്റില് ലക്ഷത്തോളം ടണ് മാലിന്യത്തിന് താഴെയാണ് ഇത് കിടക്കുന്നത്.
”ചപ്പുചവറുകള് നിറഞ്ഞ ഒരു ബാഗ് മാലിന്യക്കൂമ്പാരത്തില് ഉപേക്ഷിക്കാന് ഹോവല്സ് എന്നോട് പറഞ്ഞു. ബാഗിനുള്ളില് എന്താണെന്ന് എനിക്ക് അറിയില്ലായിരുന്നു. ഞാന് അത് അത് വലിച്ചെറിഞ്ഞു. നഷ്ടപ്പെട്ടത് എന്റെ തെറ്റല്ല. ഹോവെല്സ് അത് കണ്ടെത്തുമെന്ന് ഞാന് പ്രതീക്ഷിക്കുന്നു. ഹാര്ഡ് ഡ്രൈവ് നഷ്ടപ്പെട്ടത് അവന്റെ മാനസികാരോഗ്യത്തെ ബാധിക്കുന്നു” -ഹല്ഫിന പറഞ്ഞു.
ഹാര്ഡ് ഡ്രൈവ് തേടി മാലിന്യ കൂമ്പാരത്തില് തിരച്ചില് നടത്താന് ഹോവല്സ് തുനിഞ്ഞെങ്കിലും അധികൃതര് അനുവദിച്ചില്ല. തിരച്ചില് നടത്താന് അനുവാദം നല്കാത്തതിന് ന്യൂപോര്ട്ട് സിറ്റി കൗണ്സിലിനെതിരെ ഹോവെല്സ് 4,900 കോടി രൂപയുടെ (495 മില്യന് പൗണ്ട്) നിയമനടപടികള് ആരംഭിച്ചിട്ടുണ്ട്.
ഹാര്ഡ് ഡ്രൈവ് വീണ്ടെടുക്കണമെന്ന ആവശ്യത്തില് ഉറച്ചുനില്ക്കുകയാണ് ഹോവെല്സ്. ഈ നിധി വേട്ട അവസാനിക്കുന്നില്ലെന്നും ബിറ്റ്കോയിന്റെ മൂല്യം അനുദിനം വളരുകയാണെന്നും അദ്ദേഹം പറഞ്ഞു.
ഹാര്ഡ് ഡ്രൈവ് വീണ്ടെടുക്കുകയാണെങ്കില്, ന്യൂപോര്ട്ടിനെ ‘യു.കെയിലെ ദുബായ് അല്ലെങ്കില് ലാസ് വേഗസ് ആക്കി വികസിപ്പിക്കുന്നതിന് സമ്പത്തിന്റെ 10 ശതമാനം നല്കും അദ്ദേഹം പറഞ്ഞു.
എന്നിരുന്നാലും, ഹോവെല്സിനു മുന്നില് നിയമപരമായ വെല്ലുവിളികള് തുടരുകയാണ്. പാരിസ്ഥിതിക ചട്ടങ്ങളും നിയന്ത്രണങ്ങളും ചൂണ്ടിക്കാട്ടിയാണ് അധികൃതര് ഖനന അനുമതി നിഷേധിച്ചത്.
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026