29
Oct 2024
Mon
തിരുവനന്തപുരം: പോകുമെന്ന് കരുതിയെങ്കിലും സംസ്ഥാനത്ത് ഇനിയും ഒരാഴ്ച മഴ തുടരുമെന്ന് കാലാവസ്ഥാവകുപ്പിന്റെ പ്രവചനം. അടുത്ത അഞ്ച് ദിവസത്തേക്ക് വിവിധ ജില്ലകളില് മുന്നറിയിപ്പ് നല്കി. ഇന്ന് അഞ്ച് ജില്ലകളില് യെല്ലോ അലര്ട്ട് നിലനില്ക്കുകയാണ്. മറ്റന്നാള് (ക്ടോബര് 23)വരെ ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
 |
|
യെല്ലോ അലര്ട്ട്
ഇന്ന്:പത്തനംതിട്ട, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം
നാളെ: പത്തനംതിട്ട, ഇടുക്കി
എന്നീ ജില്ലകളിലാണ് മഞ്ഞ അലര്ട്ട് നിലനില്ക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഇവിടെയെല്ലാം പ്രവചിക്കപ്പെട്ടത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യമാണ് ശക്തമായ മഴ.
അടുത്ത 3 മണിക്കൂറില് പത്തനംതിട്ട, ഇടുക്കി, കോഴിക്കോട് ജില്ലകളില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ ഇടത്തരം മഴയ്ക്കും മണിക്കൂറില് 40 കിലോമീറ്ററില് താഴെ വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യത കാണുന്നു. തൃശ്ശൂര്, പാലക്കാട് ജില്ലകളില് ഒറ്റപ്പെട്ടയിടങ്ങളില് ഇടത്തരം മഴയ്ക്കും സാധ്യതയുണ്ട്.
മധ്യ കിഴക്കന് ബംഗാള് ഉള്ക്കടലിനും ആന്ഡമാന് കടലിനും മുകളിലായി ന്യുനമര്ദ്ദം രൂപപ്പെട്ടു. ഇക്കാരണത്താല് നാളെ രാവിലെയോടെ തീവ്ര ന്യുന മര്ദ്ദമായും മറ്റന്നാള് ചുഴലിക്കാറ്റായും ശക്തി പ്രാപിക്കാന് സാധ്യത. ഒക്ടോബര് 24ന് ഒഡിഷ പശ്ചിമ ബംഗാള് തീരത്തിന് സമീപം എത്തിച്ചേരാന് സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
മത്സ്യത്തൊഴിലാളികള്ക്കുള്ള നിര്ദേശം
കേരള കര്ണാടക ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ല.
ഇന്ന്: മധ്യ പടിഞ്ഞാറന് അറബിക്കടല്, ആന്ഡമാന് കടല്, മധ്യ കിഴക്കന് ബംഗാള് ഉള്ക്കടല് അതിനോട് ചേര്ന്ന തെക്ക് കിഴക്കന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
നാളെ: മധ്യ കിഴക്കന് ബംഗാള് ഉള്ക്കടലിന്റെ ഭാഗങ്ങളില് മണിക്കൂറില് 60 മുതല് 90 കിലോമീറ്റര് വരെയും ചില അവസരങ്ങളില് മണിക്കൂറില് 100 കിലോമീറ്റര് വരെയും വേഗതയില് അതിശക്തമായ കാറ്റിന് സാധ്യത.
Heavy rain with thunderstorms will continue for a week; Warning in five places today
Latest News
Trending
More Stories
All Rights Reserved © 2022