ഇസ്രായേൽ സൈന്യം ​ഗസയിൽ കൊന്നത് പതിനായിരത്തിലേറെ കുട്ടികളെ

​ഗസയിൽ 100 ദിവസത്തോളമായി ഇസ്രായേൽ നടത്തുന്ന ആക്രമണങ്ങളിൽ ഇതുവരെ കൊല്ലപ്പെട്ടത് പതിനായിരത്തിലേറെ കുട്ടികൾ. ദിവസവും ശരാശരി നൂറിലേറെ കുട്ടികളാണ് ​ഗസയിൽ കൊല്ലപ്പെട്ടുകൊണ്ടിരിക്കുന്നതെന്ന് സേവ് ദ ചിൽഡ്രൻ സംഘടനയുടെ പലസ്തീൻ ഡയക്ടർ ജേസൻ ലീ ആരോ​ഗ്യ മന്ത്രാലയത്തിന്റെ കണക്കുകളെ ഉദ്ധരിച്ച് വ്യക്തമാക്കി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കുട്ടികളെ കൊന്നൊടുക്കുന്നതിന് യാതൊരു നീതീകരണവുമില്ലെന്നും ​ഗസയിലെ സാഹചര്യം അതിഭീകരമാണെന്നു ജേസൻ ലീ പറഞ്ഞു. 23469 പേരാണ് ഒക്ടോബർ 7ന് യുദ്ധം തുടങ്ങിയതിനു ശേഷം ​ഗസയിൽ കൊല്ലപ്പെട്ടത്. ഇതിന്റെ 70 ശതമാനവും സ്ത്രീകളും കുട്ടികളുമാണ്. ഇസ്രായേലിന്റെ വ്യോമാക്രമണത്തിലും ഷെല്ലാക്രമണത്തിലുമാണ് ഇവരിൽ ഭൂരിഭാ​ഗവും കൊല്ലപ്പെട്ടത്. അറുപതിനായിരത്തിലേറെ പലസ്തിനീകൾക്കാണ് പരിക്കേറ്റത്.