കൗമാരക്കാരിയെ തട്ടിക്കൊണ്ടുപോയി ലൈം​ഗികാടിമയായി പാർപ്പിച്ചത് 14 വർഷം

കൗമാരക്കാരിയെ തട്ടിക്കൊണ്ടുപോയി 14 വ‍ർഷം സ്വന്തം വീട്ടിൽ ലൈം​ഗികാടിമയായി പാ‍‍ർപ്പിച്ച പ്രതി അറസ്റ്റിൽ. റഷ്യൻ ന​ഗരമായ ചെല്യാബിൻസ്കിലാണ് സംഭവം. 51കാരനായ വ്ലാദിമിർ ചെസ്കിഡോവ് ആണ് അറസ്റ്റിലായത്. 2011ൽ ഇതേ വീട്ടിൽ വച്ച് ഒരു യുവതിയെ കൊന്ന കേസിലും ഇയാൾ പ്രതിയാണെന്ന് പൊലീസ് പറഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

2009ൽ കൗമാരക്കാരിയെ തട്ടിക്കൊണ്ടുപോയ ഇയാൾ ആയിരത്തിലേറെ തവണയാണ് ഇതുവരെ ഇരയെ ബലാൽസം​ഗം ചെയ്തത്. ഇരയ്ക്കിപ്പോൾ 33 വയസ്സാണ് പ്രായം. ഇയാളുടെ വീട്ടിൽ നിന്ന് രക്ഷപ്പെട്ട യുവതി പൊലീസിൽ അഭയം തേടുകയായിരുന്നു. പ്രതിയുടെ മാതാവാണ് യുവതിയെ രക്ഷപ്പെടാൻ സഹായിച്ചതെന്ന് പൊലീസ് പറഞ്ഞു.

പ്രതി കത്തിചൂണ്ടിയായിരുന്നു പെൺകുട്ടിയെ ആദ്യം മുതൽ ബലാൽസം​ഗം ചെയ്തു വന്നിരുന്നതെന്നും പൊലീസ് പറഞ്ഞു. പ്രതിയുടെ വീട്ടിൽ നിന്ന് സെക്സ് ടോയ്സുകളും സെക്സ് വീഡിയോകൾ അടങ്ങിയ സിഡികളും കണ്ടെടുത്തുവെന്നും പൊലീസ് വ്യക്തമാക്കി.

2009ൽ പത്തൊമ്പതുകാരിയായ ഇരയെ മദ്യം കഴിക്കാൻ വീട്ടിലേക്ക് കൂട്ടിക്കൊണ്ടുപോയ ശേഷമാണ് ഇയാൾ ലൈം​ഗിക അടിമയാക്കി പാർപ്പിച്ചുതുടങ്ങിയതെന്ന് അന്വേഷണ ഉദ്യോ​ഗസ്ഥരെ ഉദ്ധരിച്ച് റഷ്യ ടുഡേ റിപോർട്ട് ചെയ്തു.