ഇസ്രായേലി വനിതയെ കഴുത്തറുത്ത് കൊന്നതുതന്നെ; കൃഷ്ണചന്ദ്രന്റെ മറുവാദം തള്ളി പൊലീസ്

ഇ​സ്രായേ​ലി വനിത സ്വാത്തോ​ സ്വയം ജീവനൊടുക്കിയതാണെന്ന ഭർത്താവ് കൃഷ്ണചന്ദ്ര(75)ന്റെ വാദം തള്ളി പൊലീസ്. കൊട്ടിയത്ത് കഴിഞ്ഞദിവസമാണ് 36കാരിയായ സ്വാത്തോയുടെ മൃതദേഹം കഴുത്തറുത്ത നിലയിൽ കണ്ടെത്തിയത്. സ്വയം കുത്തിപ്പരിക്കേൽപ്പിച്ച കൃഷ്ണചന്ദ്രൻ ആശുപത്രിയിൽ ചികിൽസയിൽ കഴിയുകയാണ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കൊ​ല്ല​ത്തെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന കൃ​ഷ്ണ​ച​ന്ദ്ര​നെ​തി​രേ കൊ​ല​ക്കു​റ്റ​ത്തി​ന് കേ​സെ​ടു​ക്കാ​നാ​ണ് പൊലീ​സ് നീ​ക്കം. ഒ​ന്നി​ച്ച് ജീ​വ​നൊ​ടു​ക്കാ​ൻ ദി​വ​സ​ങ്ങ​ൾ​ക്ക് മു​മ്പേ തീ​രു​മാ​ന​മെ​ടു​ത്ത​താ​ണെ​ന്നും സ്വാത്തോ സ്വയം മരിച്ചുവെന്നുമാണ് കൃ​ഷ്ണ​ച​ന്ദ്ര​ന്റെ മൊഴി. എ​ന്നാ​ൽ ഈ ​മൊ​ഴി പൊ​ലീ​സ് മു​ഖ​വി​ല​യ്ക്കെ​ടു​ക്കു​ന്നി​ല്ല.

സ്വാത്തോ മ​രി​ച്ചു കി​ട​ന്ന​തും കൃ​ഷ്ണ​ച​ന്ദ്ര​ൻ മു​റി​വേ​റ്റു കി​ട​ന്ന​തു​മാ​യ മു​റി ഫോ​റ​ൻ​സി​ക് വി​ഭാ​ഗ​വും പൊ​ലീ​സും വി​ശ​ദ​മാ​യ പ​രി​ശോ​ധ​ന ന​ട​ത്തി. യുവതിയു​ടെ ക​ഴു​ത്തി​ലെ ആ​ഴ​ത്തി​ലു​ള്ള മു​റി​വ് സ്വ​യം ഉ​ണ്ടാ​ക്കാ​നാ​വുന്നത​ല്ലെ​ന്ന നി​ഗ​മ​ന​ത്തി​ലാ​ണ് പൊ​ലീ​സ്. യു​വ​തി​യു​ടെ ദേ​ഹ​ത്ത് വേ​റെ​യും മു​റി​വു​ക​ളു​ണ്ടാ​യി​രു​ന്നു. യുവതിയെ കൊ​ല​പ്പെ​ടു​ത്തി​യ ശേ​ഷം കൃ​ഷ്ണ​ച​ന്ദ്ര​ൻ സ്വ​യം മു​റി​വു​ണ്ടാ​ക്കു​ക​യാ​യി​രു​ന്നു എ​ന്നാ​ണ് പോ​ലീ​സ് നി​ഗ​മ​നം.

ആയുർവേദ ചികിത്സകനും യോ​ഗാചാര്യനുമായ കൃഷ്ണചന്ദ്രൻ യോഗ ക്ലാസ്സിലൂടെയാണ് സ്വാത്തോയെ പരിചയപ്പെട്ടത്. ഇരുവരും പിന്നീട് വിവാഹിതരാവുകയായിരുന്നു. കൊട്ടിയത്ത് കോടാലിമുക്കിൽ കൃഷ്ണചന്ദ്രന്റെ ബന്ധുവിന്റെ വീട്ടിലായിരുന്നു ഇരുവരും താമസിച്ചിരുന്നത്.

വ്യാഴം വൈകുന്നേരം പുറത്തുപോയി തിരിച്ചെത്തിയ ബന്ധു ഇരുവരെയും വിളിച്ചെങ്കിലും വാതിൽ തുറന്നില്ല. തുടർന്ന് പിൻഭാഗത്തെത്തി കതക് തുറന്നപ്പോൾ ഇരുവരെയും രക്തത്തിൽ കുളിച്ച് കണ്ടെത്തുകയായിരുന്നു.