15
Jan 2025
Mon
മലപ്പുറം: തൃണമൂലില്‍ ചേരുന്ന പി.വി.അന്‍വര്‍ ഇന്ന് എംഎല്‍എ സ്ഥാനം രാജിവച്ചേക്കും. (PV Anwar may resign today) രാവിലെ 9 മണിക്ക് സ്പീക്കറെ കണ്ട ശേഷം വാര്‍ത്താ സമ്മേളനത്തിലായിരിക്കും പ്രഖ്യാപനം. തൃണമൂല്‍ കോണ്‍ഗ്രസില്‍ ചേരുമ്പോള്‍ അയോഗ്യത വരുന്നത് തടയാനാണ് രാജിനീക്കം.
 |
|
സ്വതന്ത്ര എംഎല്‍എ ഏതെങ്കിലും പാര്‍ട്ടിയില്‍ ചേര്‍ന്നാല്‍ അയോഗ്യനാക്കപ്പെടും. ഇത് മുന്നില്‍ കണ്ടാണ് എംഎല്‍എ സ്ഥാനം രാജിവയ്ക്കാന്‍ ആലോചിക്കുന്നത്. രാജിക്കത്ത് കൈമാറാനാണ് അന്‍വര്‍ രാവിലെ സ്പീക്കറെ കാണുന്നതെന്നാണ് സൂചന.
മമതാ ബാനര്‍ജിയുമായുള്ള കൂടിക്കാഴ്ചയ്ക്ക് ശേഷമാണ് അന്‍വര്‍ തിരുവനന്തപുരത്ത് എത്തിയത്. രാജിവച്ച ശേഷം നിലമ്പൂരില്‍ വീണ്ടും മത്സരിക്കുമ്പോള്‍ അടി തെറ്റിയാല്‍ സംരക്ഷിക്കാമെന്ന ഉറപ്പ് മമത നല്‍കിയതായാണ് സൂചന.
4 മാസത്തിന് ശേഷം ഒഴിവ് വരുന്ന രാജ്യസഭാ സീറ്റില്‍ അടക്കം പരിഗണിച്ചേക്കും. നാല് ദക്ഷിണേന്ത്യന്‍ സംസ്ഥാനങ്ങളുടെ ചുമതല ടിഎംസി അന്‍വറിന് നല്‍കിയിട്ടുണ്ട്.
എല്‍ഡിഎഫ് പാളയത്തില്‍ നിന്ന് പിണങ്ങിയ ഇറങ്ങിയ അന്‍വറിന്റെ യുഡിഎഫ് പ്രവേശനം അദ്ദേഹം പ്രതീക്ഷിച്ചത് പോലെ സാധ്യമായില്ല . തുടര്‍ന്നാണ് തൃണമൂലില്‍ രാഷ്ട്രീയ അഭയം തേടാനുള്ള അന്‍വറിന്റെ തീരുമാനം. നേരത്തേ തമിഴ്‌നാട്ടിലെ ഡിഎംകെയിലേക്ക് പ്രവേശനം തേടിയെങ്കിലും സിപിഎം ഉടക്കിട്ടതോടെ പൊളിയുകയായിരുന്നു.
Latest News
\
More Stories
\
