11
Mar 2025
Tue
Sundar Pichai Wealth: ലോകത്തിലെ എണ്ണം പറഞ്ഞ പല ഐടി കമ്പനികളെയും നയിക്കുന്നത് ഇന്ത്യക്കാരാണ്. ഇതില് പ്രമുഖനാണ് സുന്ദര് പിച്ചൈ. മലയാളികളെ സംബന്ധിച്ചിടത്തോളം അയല് സംസ്ഥാനമായ തമിഴ്നാട്ടുകാരനാണ് സുന്ദര് പിച്ചൈ. ഗൂഗിളിന്റെയും ആല്ഫബെറ്റിന്റെയും സിഇഒ സുന്ദര് പിച്ചൈ ഇന്ത്യയെ സംബന്ധിച്ച് ഒരു അഭിമാനം കൂടിയാണ്.
 |
|
താന് ഒരേസമയം 20 ഓളം ഫോണുകള് ഉപയോഗിക്കുന്നുവെന്ന് ഒരിക്കല് ഒരു അഭിമുഖത്തില് അദ്ദേഹം പറഞ്ഞിരുന്നു. വിവിധ ബ്രാന്ഡുകളിലും ഒഎസിലും പ്രവര്ത്തിക്കുന്ന ഫോണുകളില് ഗൂഗിളിന്റെ ഉല്പ്പന്നങ്ങള് മികച്ച രീതിയില് പ്രവര്ത്തിക്കുന്നുവെന്ന് ഉറപ്പാക്കേണ്ടതു കൊണ്ടാണിത്. തികച്ചും ജോലിയുടെ ഭാഗം. എന്നാല് ഫോണുകളുടെ അമിത ഉപയോഗം, പ്രത്യേകിച്ചു കുട്ടികള് സ്ക്രീന് സമയം കുറയ്ക്കേണ്ടതുണ്ടെന്നും അദ്ദേഹം പറയുന്നു.
കര്ശനമായ പരിധികള് അല്ല, വ്യക്തിഗത പരിധികള് സ്ഥാപിക്കുകയാണ് വേണ്ടതെന്ന് അദ്ദേഹം ഓര്മ്മിപ്പിക്കുന്നു. ഓണ്ലൈന് സുരക്ഷയെ സംബന്ധിച്ചിടത്തോളം പാസ് വേഡുകള് ഇടയ്ക്കിടെ മാറ്റുന്നതിനേക്കാള് ഉചിതം 2 സ്റ്റെപ്പ് വെരിഫിക്കേഷന് ഉപയോഗിക്കുന്നതാണ് നല്ലതെന്നും പിച്ചൈ അഭിപ്രായപ്പെടുന്നു.
1972 ജൂണ് 10 നാണ് സുന്ദര് പിച്ചൈ ജനിച്ചത്. കുട്ടിക്കാലം ചെന്നൈയില് ചെലവഴിച്ചു. അച്ഛന് ഇലക്ട്രിക്കല് എന്ജിനീയറും, അമ്മ സ്റ്റെനോഗ്രാഫറും ആയിരുന്നു. മദ്രാസ് ഐഐടി കാമ്പസില് സ്ഥിതിചെയ്യുന്ന ജവഹര് വിദ്യാലയ സീനിയര് സെക്കന്ഡറി സ്കൂളിലും, പിന്നീട് വാന വാണി സ്കൂളിലുമായിരുന്നു പഠനം.
ഐഐടി ഖരഗ്പൂരില് നിന്ന് മെറ്റലര്ജിക്കല് എന്ജിനീയറിംഗില് ബിരുദം നേടി. തുടര്ന്ന് സ്റ്റാന്ഫോര്ഡ് സര്വകലാശാലയില് നിന്ന് മെറ്റീരിയല് സയന്സിലും, എന്ജിനീയറിംഗിലും എംഎസ് ബിരുദമെടുത്തു. പെന്സില്വാനിയ സര്വകലാശാലയിലെ വാര്ട്ടണ് സ്കൂളില് നിന്ന് എംബിഎയും കരസ്ഥമാക്കി.
രണ്ട് പതിറ്റാണ്ടിലേറെയായി അദ്ദേഹം ഗൂഗിളില് പ്രവര്ത്തിക്കുന്നു. നിരവധി റോളുകള് വിജയകരമായി പൂര്ത്തീകരിച്ച ശേഷമാണ് സിഇഒ പദവിയില് എത്തിയത്.
2025 ജനുവരിയിലെ കണക്കുകള് പ്രകാരം സുന്ദര് പിച്ചൈ വാര്ഷികാടിസ്ഥാനത്തില് ഏകദേശം 280 മില്യണ് യുഎസ് ഡോളര് (ഏകദേശം 2,436 കോടി രൂപ) സമ്പാദിക്കുന്നു. ഒരു ദിവസത്തെ വരുമാനം 6.67 കോടി രൂപ!.
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026