22
Mar 2025
Sun
റിയാദ്: സ്ത്രീ മുന്നേറ്റത്തിന്റെ പാതയിലാണ് സൗദി അറേബ്യയെന്ന് വ്യക്തമാക്കി പുതിയ കണക്കുകള്. സൗദിയുടെ തൊഴില് മേഖലയില് കഴിഞ്ഞ വര്ഷം മൂന്നാംപാദത്തില് 36.2 ശതമാനവും സ്വദേശി വനിതകളാണ്. അന്താരാഷ്ട്ര വനിതാ ദിനത്തോടനുബന്ധിച്ച് സൗദി അറേബ്യയുടെ ജനറല് അതോറിറ്റി ഫോര് സ്റ്റാറ്റിസ്റ്റിക്സ് പുറത്തുവിട്ട ഡാറ്റയിലാണ് തൊഴില് ശക്തിയിലും നേതൃത്വ സ്ഥാനങ്ങളിലും സംരംഭകത്വത്തിലും സൗദി സ്ത്രീകളുടെ വര്ദ്ധിച്ചുവരുന്ന പങ്ക് എടുത്തുകാണിക്കുന്നത്. സൗദി അറേബ്യയില് 9.8 ദശലക്ഷം സ്ത്രീകളുണ്ട്, 2024 ലെ മൂന്നാം പാദത്തിലെ കണക്കനുസരിച്ച് 36.2% പേര് തൊഴില് സേനയില് പങ്കാളികളാകുന്നു. സൗദി സ്ത്രീകളുടെ തൊഴില്ജനസംഖ്യ അനുപാതം 31.3% ആയെന്നും ഇത് തൊഴില് ശക്തി ഉള്പ്പെടുത്തലിലെ സ്ഥിരമായ പുരോഗതിയെ പ്രതിഫലിപ്പിക്കുന്നുവെന്നും അധികൃതര് അറിയിച്ചു.
 |
|
2024ല് 78,356 സൗദി സ്ത്രീകള് സീനിയര് മാനേജ്മെന്റ് സ്ഥാനങ്ങള് വഹിച്ചിരുന്നു. 2023ല് 551,318 സ്ത്രീകള് സ്വന്തമായി ബിസിനസുകള് രജിസ്റ്റര് ചെയ്തു.
സ്ത്രീകള്ക്കിടയില് ഫ്രീലാന്സിംഗും വര്ദ്ധിച്ചുകൊണ്ടിരിക്കുകയാണ്. 2023ല് 449,725 സൗദി സ്ത്രീകള്ക്ക് ഫ്രീലാന്സ് വര്ക്ക് പെര്മിറ്റുകള് ലഭിച്ചു.
ടൂറിസം വ്യവസായത്തിലും സ്ത്രീ തൊഴിലില് വര്ധനയുണ്ടായി. 2024ല് 111,259 സൗദി സ്ത്രീകള് ടൂറിസവുമായി ബന്ധപ്പെട്ട ജോലികളില് ജോലി ചെയ്തതായും കണക്കുകള് പറയുന്നു.
More Saudi women take the lead with over 78,000 in senior roles, 551,000 business owners
Latest News
More Stories
All Rights Reserved © 2022