13
Sep 2024
Thu
 |
|
തിരുവനന്തപുരം: സിനിമയില് അവസരം വാഗ്ദാനം ചെയ്ത് ലൈംഗികമായി പീഡിപ്പിച്ചെന്ന യുവതിയുടെ ആരോപണത്തില് യുവ നടന് നിവിന് പോളി കേരളാ പോലീസ് മേധാവി( DGP)ക്ക് പരാതി നല്കി. യുവതിയുടെത് വ്യാജ ആരോപണമാണെന്നും ഗുഢാലോചനയുടെ ഭാഗമാണെന്നുമാണ് നിവിന് പോളി പരാതിയില് ചൂണ്ടിക്കാട്ടിയത്.
സിനിമയില് അവസരം വാഗ്ദാനം ചെയ്ത് വിദേശത്ത് വെച്ച് പീഡിപ്പിച്ചുവെന്നാണ് നേര്യമംഗലം ഊന്നുകല് സ്വദേശിയായ യുവതിയുടെ പരാതി. യുവതിയുടെ മൊഴി രേഖപ്പെടുത്തിയ ശേഷമാണ് പൊലീസ് കേസ് രജിസ്റ്റര് ചെയ്തത്. നവംബര് ഒന്ന് മുതല് ഡിസംബര് 15 വരെയുള്ള കാലയളവിലാണ് പീഡനം നടന്നതെന്നാണ് യുവതിയുടെ പരാതിയില് പറയുന്നത്.
സിനിമയില് അവസരം വാഗ്ദാനം ചെയ്യുകയും യൂറോപ്പില് ജോലി വാഗ്ദാനം ചെയ്യുകയും ചെയ്തു, ദുബൈയില് കൊണ്ടുപോയി, ജ്യൂസില് മയക്കുമരുന്ന് ചേര്ത്ത് നല്കി പീഡിപ്പിച്ചു എന്നിങ്ങവെയാണ് പരാതി.
യുവതിയുടെ പരാതിയില് നിവിന് പോളി ഉള്പ്പെടെ ആറ് പേര്ക്കെതിരെ കേസെടുത്തിരുന്നു. അന്വേഷണത്തിന് പ്രത്യേക സംഘത്തെ ഇന്ന് നിയോഗിക്കാനും സാധ്യതയുണ്ട്. ഈ സാഹചര്യത്തിലാണ് നിവിന് പോളി പോലീസ് മേധാവിക്ക് പരാതി നല്കിയത്.
അതേസമയം, കേസില് മുന്കൂര് ജാമ്യംതേടാന് നിവിന് പോളി ഇന്ന് ഹൈക്കോടതിയെ സമീപിച്ചേക്കും. മുതിര്ന്ന അഭിഭാഷകനുമായി നടന് കൂടിക്കാഴ്ച നടത്തി. എഫ്ഐആര് റദ്ദാക്കണമെന്ന് ആവശ്യപ്പെട്ടാതും നിവിന് ഹൈക്കോടതിയെ സമീപിക്കുക.
ആരോപണത്തിന് പിന്നാലെ പീഡന പരാതിയില് അടിസ്ഥാനമില്ലെന്ന് നടന് നിവിന് പോളി വാര്ത്താസമ്മേളനത്തില് പറഞ്ഞിരുന്നു. മാധ്യമങ്ങളിലൂടെയാണ് വാര്ത്ത അറിഞ്ഞത്. പരാതിക്കാരിയായ പെണ്കുട്ടിയെ കാണുകയോ സംസാരിക്കുകയോ ചെയ്തിട്ടില്ല. ആരോപണം അടിസ്ഥാന രഹിതമാണെന്നും താരം പ്രതികരിച്ചിരുന്നു.
Nivin Pauly filed a complaint to DGP on the woman’s allegations of sexual harassment
Latest News
More Stories
All Rights Reserved © 2022