പിതാവിനെ തല്ലിക്കൊന്നശേഷം ഒളിവിൽപോയ മകൻ പിടിയിൽ

ആ​ല​പ്പു​ഴ​യി​ൽ പി​താ​വി​നെ തല്ലിക്കൊന്നശേ​ഷം ഒ​ളി​വി​ൽ പോ​യ മ​ക​നെ പൊലീ​സ് ബം​ഗളൂരുവിൽ നിന്ന് പി​ടി​കൂ​ടി. ആ​ല​പ്പു​ഴ കാ​ളാ​ത്ത് ത​ടി​ക്ക​ൽ ക​യ​ർ ഫാ​ക്ട​റി തൊ​ഴി​ലാ​ളി സു​രേ​ഷ്‌​കു​മാ​ർ (55) കൊല്ലപ്പെട്ട സംഭവത്തിലാണ് മകൻ നി​ഖി​ലി​നെ​(24) ആ​ല​പ്പു​ഴ നോ​ർ​ത്ത് പോ​ലീ​സ് ബം​ഗ​ളൂ​രി​ൽ നി​ന്നും പി​ടി​കൂ​ടി​യ​ത്. ക​ഴി​ഞ്ഞ ദിവസം രാ​ത്രി​യി​ലാ​യിരുന്നു സം​ഭ​വം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മ​ദ്യ​പി​ച്ചു​ണ്ടാ​യ ത​ർ​ക്ക​ത്തി​നി​ടെ പി​താ​വി​നെ ക്രൂ​ര​മാ​യി മ​ർ​ദി​ച്ച​ശേ​ഷം നി​ഖി​ൽ ര​ക്ഷ​പ്പെ​ടു​ക​യാ​യി​രു​ന്നു. രാവിലെയാണ് സുരേഷ് കുമാറിനെ മരിച്ച നിലയിൽ കണ്ടെത്തിയത്.

അ​ച്ഛ​നും മ​ക​നും ത​മ്മി​ൽ വാ​ക്കേ​റ്റ​വും ബ​ഹ​ള​വും ന​ട​ന്ന​താ​യി നി​ഖി​ലി​ൻറെ മാ​താ​വ് മി​നി​മോ​ൾ പൊ​ലീ​സി​ന് മൊ​ഴി​ന​ൽ​കി​യി​രു​ന്നു. വീ​ടി​ൻറെ ച​വി​ട്ടു​പ​ടി​യി​ൽ വീ​ണ​തി​നെത്തു​ട​ർ​ന്നു കാ​ലി​ൽ പ്ലാ​സ്റ്റ​റി​ട്ട് കി​ട​പ്പി​ലാ​യ​തി​നാ​ൽ ഇ​രു​വ​രും തമ്മിൽ വാ​ക്കേ​റ്റ​മു​ണ്ടാ​യ​പ്പോ​ൾ മി​നി​മോ​ൾ​ക്ക് ഇ​ട​പെ​ടാ​നാ​യി​ല്ല.

ബു​ധ​നാ​ഴ്ച രാ​വി​ലെ ഏ​ഴ​ര​യാ​യി​ട്ടും ഭ​ർ​ത്താ​വ് എ​ഴു​ന്നേ​ൽ​ക്കാ​തി​രു​ന്ന​തി​നെ തു​ട​ർ​ന്ന് അ​ടു​ത്ത മു​റി​യി​ൽ ചെ​ന്നു നോ​ക്കി​യ​പ്പോ​ഴാ​ണ് അ​ന​ക്ക​മി​ല്ലെ​ന്നു ക​ണ്ട​ത്. തു​ട​ർ​ന്നു ബ​ഹ​ളം വ​ച്ച് അ​യ​ൽ​വാ​സി​ക​ളെ വ​രു​ത്തു​ക​യാ​യി​രു​ന്നു. ഈ ​മാ​സം 28 ന് ​നി​ഖി​ലി​ൻറെ വി​വാ​ഹം ഉ​റ​പ്പി​ച്ചി​രു​ന്നു. വി​വാ​ഹ ആ​വ​ശ്യ​ത്തി​നാ​യി ക​രു​തി​യ പ​ണം എ​ടു​ത്ത​തി​നെ​ ചൊ​ല്ലി​യു​ണ്ടാ​യ ത​ർ​ക്ക​മാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​ത്.