27
Aug 2024
Sun
കല്പറ്റ: കേരളത്തെ നടുക്കിയ ഉരുൾപൊട്ടൽ വയനാട്ടിലെ ഉരുൾപൊട്ടൽ ദുരന്തം നടന്ന പ്രദേശത്ത് മോഷണം നടത്താനുള്ള നീക്കവുമായി സാമൂഹ്യ ദ്രോഹികൾ. ഇതോടെ മോഷണം തടയാനുള്ള കർശന ഇടപെടലൂമായി പോലിസ് നീക്കം തുടങ്ങി.
 |
|
ദുരന്ത സ്ഥലത്ത് നിന്ന് രക്ഷാപ്രവർത്തകർക്കും സന്നദ്ധ പ്രവർത്തകർക്കും ലഭിച്ച ആഭരണങ്ങളും വിലപിടിപ്പുള്ള വസ്തുക്കളും രേഖകളും സിവിൽ സ്റ്റേഷനിലെ കൺട്രോൾ റൂമിലോ മറ്റു കൺട്രോൾ റൂമിലോ ഏൽപിക്കണമെന്ന് റവന്യൂ വകുപ്പ് പ്രിൻസിപ്പൽ സെക്രട്ടറി ടിങ്കു ബിസ്വാൾ അറിയിച്ചു.
ഇവ സൂക്ഷിക്കുന്നതിന് ജില്ലാ പൊലീസ് മേധാവിക്ക് നിർദേശം നൽകിയിട്ടുണ്ട്. കൺട്രോൾ റൂമിൽ ലഭിച്ച വസ്തുക്കൾ പൊലീസിന് കൈമാറി രസീത് കൈപറ്റണം ഇങ്ങനെ കൈമാറിയ വസ്തുക്കളുടെ പട്ടിക അഡീഷണൽ ഡിസ്ട്രിക്റ്റ് മജിസ്ട്രേറ്റിന് കൈമാറണം എന്നും നിർദേശം ഉണ്ട്.
രാത്രികാല പട്രോളിംഗ് ഏർപ്പെടുത്തി
ദുരന്തമുണ്ടായ ചൂരൽമല , മുണ്ടക്കൈ പ്രദേശത്ത് പോലീസിൻ്റെ രാത്രികാല പട്രോളിങ്ങ് ഏർപ്പെടുത്തി. ദുരന്തത്തിന് ഇരയായവരുടെ വീടുകളിലോ പ്രദേശത്തോ രാത്രിയിൽ അതിക്രമിച്ച് കടക്കുന്നവർക്കെതിരെ നടപടിയെടുക്കും. ഇവിടങ്ങളിലെ വീടുകളിലോ പ്രദേശങ്ങളിലോ രക്ഷാപ്രവർത്തനത്തിൻ്റെ പേരിലോ അല്ലാതയോ പോലീസിൻ്റെ അനുവാദമില്ലാതെ രാത്രികാലങ്ങളിൽ ആരും പ്രവേശിക്കാൻ പാടില്ലെന്നും പോലിസ് അറിയിച്ചു.
പ്രവേശനം രജിസ്റ്റര് ചെയ്തവര്ക്ക് മാത്രം
ദുരന്ത മേഖലയായ മുണ്ടക്കൈ , ചൂരല്മല മേഖകളില് സേവനം ചെയ്യാന് എത്തുന്ന സന്നദ്ധ പ്രവര്ത്തകര്ക്ക് രജിസ്ട്രേഷന് നിര്ബന്ധമാക്കി ഉത്തരവ്. ഇന്ന് രാവിലെ 6.30 മുതല് ചൂരല്മല കണ്ട്രോള് റൂമിന് സമീപം റവന്യു വകുപ്പിന്റെ രജിസ്ട്രേഷന് കൗണ്ടര് പ്രവര് ത്തിച്ചു വരുന്നുണ്ട്. ഇവിടെയുള്ള കൗണ്ടറില് രജിസ്റ്റര് ചെയ്യുന്നവരെ മാത്രമാണ് ദുരന്ത മേഖലയിലേക്ക് കടത്തിവിടുക. സംഘങ്ങളായി വരുന്ന സന്നദ്ധ സേവകര് ടീം ലീഡറുടെ പേര് വിലാസം രജിസ്റ്റര് ചെയ്താല് മതിയാകും
Latest News
Trending
More Stories
All Rights Reserved © 2022