റഷ്യന്‍ എണ്ണ വാങ്ങി ഇന്ത്യയിലെ ബ്രാഹ്മണര്‍ ലാഭമുണ്ടാക്കുകയാണെന്ന് യുഎസ്

ന്യൂയോര്‍ക്ക്: റഷ്യയില്‍ നിന്ന് എണ്ണ വാങ്ങിയതിന് ഇന്ത്യയെ വൈറ്റ് ഹൗസ് വ്യാപാര ഉപദേഷ്ടാവ് പീറ്റര്‍ നവാരോ രൂക്ഷമായി വിമര്‍ശിച്ചു. റഷ്യന്‍ എണ്ണ വാങ്ങി ഇന്ത്യന്‍ കമ്പനികള്‍ ലാഭമുണ്ടാക്കുകയാണെന്ന് വൈറ്റ്ഹൗസ് വ്യാപാര ഉപദേഷ്ടാവ് പീറ്റര്‍ നവാരോ പറഞ്ഞു. ബ്രാഹ്മണര്‍ ഇന്ത്യന്‍ ജനതയുടെ ചെലവില്‍ ലാഭം കൊയ്യുകയാണെന്നും അത് നിര്‍ത്തണമെന്നും അദ്ദേഹം പറഞ്ഞു. ‘ദയവായി ഇവിടെ എന്താണ് സംഭവിക്കുന്നതെന്ന് മനസ്സിലാക്കണമെന്ന് ഇന്ത്യന്‍ ജനതയോട് ഞാന്‍ പറയുകയാണ്. ഇന്ത്യന്‍ ജനതയുടെ ചെലവില്‍ ബ്രാഹ്മണര്‍ ലാഭം കൊയ്യുന്നുണ്ട്. നമ്മള്‍ അത് അവസാനിപ്പിക്കണം,- നവാരോ ഞായറാഴ്ച ഫോക്‌സ് ന്യൂസിന് നല്‍കിയ അഭിമുഖത്തില്‍ പറഞ്ഞു. ഇന്ത്യ ‘ക്രെംലിന്റെ പണത്തിനായുള്ള ഒരു അലക്കുശാല’യും ‘താരിഫുകളുടെ മഹാരാജാവ്’ ആയും മാറിയിരിക്കുന്നു എന്ന തന്റെ മുന്‍ വിമര്‍ശനവും അദ്ദേഹം ആവര്‍ത്തിച്ചു.
മോദി ഒരു മികച്ച നേതാവാണ്. ലോകത്തിലെ ഏറ്റവും വലിയ ജനാധിപത്യ രാജ്യമായിരിക്കെ ഇന്ത്യന്‍ നേതാവ് എങ്ങനെയാണ് റഷ്യന്‍ പ്രസിഡന്റ് വഌദ്മിര്‍ പുടിനുമായും ചൈനീസ് പ്രസിഡന്റ് ഷി ജിന്‍പിങ്ങുമായും സഹകരിക്കുന്നതെന്ന് എനിക്ക് മനസിലാകുന്നില്ല. എന്താണ് സംഭവിക്കുന്നതെന്ന് ഇന്ത്യക്കാര്‍ മനസിലാക്കുക. ബ്രാഹ്മണര്‍ ഇന്ത്യന്‍ ജനതയെ ചൂഷണംചെയ്ത് ലാഭം കൊയ്യുകയാണ്. നമ്മള്‍ അത് നിര്‍ത്തേണ്ടതുണ്ടെന്നും ട്രേഡ് ആന്‍ഡ് മാനുഫാക്ചറിങ് സീനിയര്‍ കൗണ്‍സിലറായ നവാരോ പറഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇപ്പോള്‍ ഇന്ത്യക്കുമേല്‍ 50 ശതമാനം താരിഫുണ്ട്, എന്നാല്‍ ചൈനയ്ക്ക് മേല്‍ 50 ശതമാനത്തില്‍ അല്‍പം കൂടുതലുണ്ട്. റഷ്യന്‍ റിഫൈനറികള്‍ ഇന്ത്യയിലെ വന്‍കിട എണ്ണക്കമ്പനികളുമായി കൈകോര്‍ത്തു. മോദിക്ക് ക്രൂഡ്ഓയിലില്‍ പുടിന്‍ ഇളവ് നല്‍കുന്നു. അവര്‍ അത് ശുദ്ധീകരിച്ച് യൂറോപ്പിലേക്കും ആഫ്രിക്കയിലേക്കും ഏഷ്യയിലേക്കും വലിയ പ്രീമിയത്തിന് കയറ്റി അയക്കുകയും ധാരാളം പണം സമ്പാദിക്കുകയും ചെയ്യുന്നുവെന്നും നവാരോ പറഞ്ഞു.

‘ഈ ഭ്രാന്തിനെ ബൈഡന്‍ ഭരണകൂടം വലിയതോതില്‍ മറിച്ചാണ് കണ്ടത്. പ്രസിഡന്റ് ട്രംപ് അതിനെ നേരിടുകയാണ്. അന്യായമായ വ്യാപാരത്തിന് 25% ഉം ദേശീയ സുരക്ഷയ്ക്ക് 25% ഉം ആയ 50% താരിഫ് ഒരു നേരിട്ടുള്ള പ്രതികരണമാണ്,’ അദ്ദേഹം പറഞ്ഞു.

White House trade adviser Peter Navarro repeated his trenchant criticism of India for buying oil from Russia, saying that “Brahmins” were profiteering at the expense of the rest of India.