കൗമാരക്കാർക്ക് 60 മിനിറ്റ് പ്രതിദിന സ്‌ക്രീൻ സമയ പരിധി നിശ്ചയിച്ച് ടിക് ടോക്

ന്യൂയോർക്: കൗമാരക്കാർക്ക് സമയപരിധി നിശ്ചയിച്ച് പ്രമുഖ സമൂഹമാധ്യമ പ്ലാറ്റ്‌ഫോമായ ടിക് ടോക്. ടിക് ടോക് സ്‌ക്രീൻ സമയം കുറയ്ക്കുന്നതിനും യുവ ഉപയോക്താക്കളുടെ ക്ഷേമം മെച്ചപ്പെടുത്തുന്നതിനും ഉദ്ദേശിച്ചുള്ള പുതിയ ഫീച്ചറുകളുടെ കമ്പനി പ്രഖ്യാപിച്ചു. ഇതുപ്രകാരം 18 വയസ്സിന് താഴെയുള്ള ഓരോ ടിക് ടോക് ഉപയോക്താക്കൾക്കും 60 മിനിറ്റ് ആവും പ്രതിദിന സ്‌ക്രീൻ സമയ പരിധി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഈ പരിധി കടന്നാൽ കൗമാരക്കാർക്ക് തുടർന്ന് കാണുന്നതിന് ഒരു പാസ്‌കോഡ് നൽകാൻ ആവശ്യപ്പെടും. അവർക്ക് ഫീച്ചർ പൂർണ്ണമായും പ്രവർത്തനരഹിതമാക്കാൻ കഴിയും, എന്നാൽ അവർ അങ്ങനെ ചെയ്ത് ഒരു ദിവസം 100 മിനിറ്റിലധികം ടിക് ടോകിൽ ചെലവഴിക്കുകയാണെങ്കിൽ പുതിയ പരിധി നിശ്ചയിക്കാൻ അവരോട് ആവശ്യപ്പെടുന്ന വിധത്തിലാണ് ഫീച്ചർ സെറ്റ് ചെയ്തിരിക്കുന്നത്.

ഫീച്ചറിന്റെ ആദ്യ മാസത്തെ പരിശോധനയിൽ ഈ നിർദ്ദേശങ്ങൾ അതിന്റെ സ്‌ക്രീൻ ടൈം മാനേജ്‌മെന്റ് ടൂളുകളുടെ ഉപയോഗം 234 ശതമാനം വർധിപ്പിച്ചതായി ടിക് ടോക് അവകാശപ്പെടുന്നു. കൗമാരപ്രായക്കാർക്ക് അവരുടെ സ്‌ക്രീൻ സമയം റീക്യാപ് ചെയ്യുന്ന ഇൻബോക്‌സ് അറിയിപ്പ് ഓരോ ആഴ്ചയും അയയ്ക്കും, യുവ ഉപയോക്താക്കളെ അവർ ആപ്പിൽ എത്ര സമയം ചിലവഴിക്കുന്നു എന്നതിനെക്കുറിച്ച് ബോധവാന്മാരാകാനും ശുപാർശ ചെയ്ത സ്‌ക്രീൻ സമയം നീട്ടാൻ സജീവമായ തീരുമാനങ്ങൾ എടുക്കേണ്ടതും ആവശ്യമാണ്.

സ്‌ക്രീൻ ടൈം ടൂളുകൾ ഉപയോഗിക്കാൻ കൗമാരക്കാരെ പ്രോത്സാഹിപ്പിക്കുന്നതിനുള്ള നിർദ്ദേശങ്ങൾക്കൊപ്പം ഈ പ്രതിവാര അപ്‌ഡേറ്റുകൾ ഇപ്പോൾ ലഭ്യമാണ്.സമയ നിയന്ത്രണം എത്രത്തോളം വേണമെന്ന് തീരുമാനിക്കുമ്പോൾ നിലവിലെ അക്കാദമിക് ഗവേഷണങ്ങളോടും ബോസ്റ്റൺ ചിൽഡ്രൻസ് ഹോസ്പിറ്റലിലെ ഡിജിറ്റൽ വെൽനസ് ലാബിലെ വിദഗ്ധരുമായും കൂടിയാലോചിച്ചതായി ടിക് ടോക് പറയുന്നു.