ഇന്‍ഷുറന്‍സുകള്‍ക്ക് ഇനി ജിഎസ്ടിയില്ല; നിത്യോപയോഗ സാധനങ്ങള്‍ക്കും ജീവന്‍രക്ഷാ മരുന്നുകള്‍ക്കും വില കുറയും

ഇനി മുതല്‍ ഹെല്‍ത്ത്, ലൈഫ് ഇന്‍ഷൂറന്‍സുകള്‍ക്ക് ജിഎസ്ടി യുണ്ടാവില്ല. നവരാത്രിയുടെ ആദ്യദിനമായ സെപ്റ്റംബര്‍ 22 മുതല്‍ പുതിയ ജിഎസ്ടി പരിഷ്‌കാരം നിലില്‍ വരും. 56ാമത് ജി.എസ്.ടി കൗണ്‍സില്‍ യോഗത്തിന് ശേഷം ധനമന്ത്രി നിര്‍മല സീതാരാമനാണ് ജി.എസ്.ടിയിലെ മാറ്റങ്ങള്‍ പ്രഖ്യാപിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

നിലവില്‍ ഇന്‍ഷൂറന്‍സിന് 18 ശതമാനം ജി.എസ്.ടി ചുമത്തുന്നുണ്ട്. ഇതാണ് പൂജ്യത്തിലേക്ക് താഴുന്നത്. ലൈഫ്, യുണിറ്റ് ലിങ്ക്ഡ് ഇന്‍ഷൂറന്‍സ് പ്ലാന്‍, എന്‍ഡോവ്‌മെന്റ് പ്ലാന്‍ എന്നിവക്കെല്ലാം ജി.എസ്.ടി പൂജ്യമാകും.

ആരോഗ്യ ഇന്‍ഷൂറന്‍സിനും നികുതി ഉണ്ടാവില്ല. സീനിയര്‍ സിറ്റസണ്‍ ഉള്‍പ്പടെയുള്ളവരുടെ ഇന്‍ഷൂറന്‍സ് നിരക്ക് പുതിയ മാറ്റത്തോടെ കുറയും.

നിത്യോപയോഗ സാധനങ്ങള്‍ക്കു വില കുറയും
ചരക്കുസേവന നികുതിയില്‍ (ജി.എസ്.ടി) സമഗ്രമാറ്റത്തിന് കേന്ദ്രം തയാറായതോടെ ഭൂരിഭാഗം നിത്യോപയോഗ സാധനങ്ങളുടേയും വില കുറയും. പാല്‍, പനീര്‍, ചപ്പാത്തി, റൊട്ടി, കടല തുടങ്ങിയവയ്ക്ക് ജി.എസ്.ടി ഉണ്ടായിരിക്കില്ല. സോപ്പുകള്‍, ഷാമ്പു, ടൂത്ത് പേസ്റ്റ്, ഹെയര്‍ ഓയില്‍, സൈക്കിള്‍, വീട്ടാവശ്യ സാധനങ്ങള്‍, പാസ്ത, ന്യൂഡില്‍സ്, നെയ്യ്, വെണ്ണ, കോഫി, ചോക്ലേറ്റ് എന്നിവക്ക് അഞ്ചു ശതമാനമായിരിക്കും നികുതി.

പാല്‍ ഉല്‍പ്പന്നങ്ങള്‍

പാല്‍ ഉല്‍പ്പന്നങ്ങള്‍ക്കു കാര്യമായ ഇളവാണ് പ്രഖ്യാപിച്ചിട്ടുള്ളത്. നേരത്തെ അഞ്ച് ശതമാനം നികുതി ചുമത്തിയിരുന്ന അള്‍ട്രാ-ഹൈ ടെമ്പറേച്ചര്‍ (UHT) പാലിന് ഇനി ജി.എസ്.ടി ഇല്ല. മുന്‍കൂട്ടി പാക്കേജുചെയ്ത് ലേബല്‍ ചെയ്തിരുന്ന പനീറും അഞ്ച് ശതമാനത്തില്‍ നിന്ന് പൂജ്യത്തിലേക്ക് മാറി.

പാലില്‍ നിന്ന് ലഭിക്കുന്ന വെണ്ണ, നെയ്യ്, വെണ്ണ എണ്ണ തുടങ്ങിയ മറ്റ് കൊഴുപ്പുകളുടെ നികുതി 12 ശതമാനത്തില്‍ നിന്ന് അഞ്ച് ശതമാനമായി. നേരത്തെ 12 ശതമാനം നികുതി ഈടാക്കിയിരുന്ന ചീസിന് ഇനി അഞ്ച് ശതമാനം മാത്രമാണ് നികുതി. ഈ ഇളവുകള്‍ അവശ്യ പ്രോട്ടീനും കൊഴുപ്പും അടങ്ങിയ ഭക്ഷണങ്ങളെ കൂടുതല്‍ താങ്ങാനാവുന്ന വിലയിലേക്ക് മാറ്റുന്നു.

ബ്രെഡും ചപ്പാത്തിയും പൊറോട്ടയും

റെഡി-ടു-ഈറ്റ് ബ്രെഡുകള്‍ക്കും ഇപ്പോള്‍ ആശ്വാസം ലഭിച്ചിട്ടുണ്ട്. അഞ്ച് ശതമാനം നികുതി ചുമത്തിയിരുന്ന പിസ്സ ബ്രെഡ് ഇപ്പോള്‍ പൂജ്യം വിഭാഗത്തിലാണ്. ഖക്ര, ചപ്പാത്തി, റൊട്ടി എന്നിവയ്ക്കും നേരത്തെ അഞ്ച് ശതമാനം നികുതി ചുമത്തിയിരുന്നു. ഇനി ഇവയ്ക്ക് ജി.എസ്.ടി ബാധകമാകില്ല.

ALSO READ: തമിഴ്‌നാട്ടില്‍ എന്‍ഡിഎ തകരുന്നു; ടിടിവി ദിനകരനും സഖ്യം വിട്ടു

നേരത്തെ 18 ശതമാനം സ്ലാബില്‍ ഉണ്ടായിരുന്ന പൊറോട്ടയും ഇനി ജിഎസ്ടിയില്‍ നിന്ന് പൂര്‍ണ്ണമായും ഒഴിവാക്കപ്പെടും. ഇന്ത്യന്‍ വീടുകളില്‍ ദിവസേന ഉപയോഗിക്കുന്ന ഇവയ്ക്ക് നികുതി ഇല്ലാതാവുന്നത് വലിയ ആശ്വാസമാവും.

ഉണങ്ങിയ പഴങ്ങളും നട്‌സും

ജി.എസ്.ടി കൗണ്‍സില്‍ നിരവധി നട്‌സുകളുടെയും ഉണക്കിയ പഴങ്ങളുടെയും നികുതി കുറച്ചു. നേരത്തെ 12 ശതമാനം നികുതി ചുമത്തിയിരുന്ന ബ്രസീല്‍ നട്‌സിന് ഇനി അഞ്ച് ശതമാനം മാത്രമേ നികുതി ചുമത്തൂ.

ബദാം, ഹാസല്‍നട്ട്‌സ്, ചെസ്റ്റ്‌നട്ട്‌സ്, പിസ്ത, മക്കാഡാമിയ നട്‌സ്, കോള നട്‌സ്, പൈന്‍ നട്‌സ് എന്നിവയുള്‍പ്പെടെയുള്ള മറ്റ് ഉണങ്ങിയ നട്‌സുകളുടെയും വില 12 ശതമാനത്തില്‍ നിന്ന് അഞ്ച് ശതമാനമായി കുറഞ്ഞു.

അതുപോലെ, ഈത്തപ്പഴം, അത്തിപ്പഴം, അവോക്കാഡോ, പേരയ്ക്ക, മാംഗോസ്റ്റീന്‍ എന്നിവയുടെ ഉണക്കിയ വിലയും 12 ശതമാനത്തില്‍ നിന്ന് അഞ്ച് ശതമാനമായി.

ഉണക്ക പുളി ഒഴികെയുള്ള നട്‌സ്, ഉണക്കിയ പഴങ്ങള്‍ എന്നിവയുടെ മിശ്രിതങ്ങളുടെ വില 12 ശതമാനത്തില്‍ നിന്ന് 5 ശതമാനമായി കുറച്ചു. പല ഇന്ത്യന്‍ ഭക്ഷണക്രമങ്ങളുടെയും ഭാഗമായ ഉണക്കിയ പഴങ്ങള്‍ കൂടുതല്‍ താങ്ങാനാവുന്ന വിലയില്‍ ലഭ്യമാക്കാന്‍ ഈ നടപടികള്‍ സഹായിക്കും.

മാംസം, മത്സ്യ ഉല്‍പ്പന്നങ്ങള്‍

മാംസാധിഷ്ഠിതവും മത്സ്യാധിഷ്ഠിതവുമായ നിരവധി ഭക്ഷ്യോത്പന്നങ്ങള്‍ക്ക് ഇനി ജിഎസ്ടി കുറയും. 12 ശതമാനമായിരുന്ന സോസേജുകളും സമാനമായ മാംസാധിഷ്ഠിത ഉല്‍പ്പന്നങ്ങളും ഇപ്പോള്‍ 5 ശതമാനമാണ്. തയാറാക്കിയതോ സൂക്ഷിച്ചതോ ആയ മറ്റ് മാംസം, രക്തം അടിസ്ഥാനമാക്കിയുള്ള ഉല്‍പ്പന്നങ്ങള്‍, ഓഫല്‍ എന്നിവയും 12 ശതമാനത്തില്‍ നിന്ന് അഞ്ച് ശതമാനമായി കുറച്ചു.

മാംസം, മത്സ്യം, ക്രസ്റ്റേഷ്യനുകള്‍ എന്നിവയുടെ സത്തുകള്‍ക്കും ജ്യൂസുകള്‍ക്കും നേരത്തെ 12 ശതമാനം നികുതി ചുമത്തിയിരുന്നു, എന്നാല്‍ ഇപ്പോള്‍ അവ 5 ശതമാനമായി കുറച്ചിരിക്കുന്നു. സംരക്ഷിച്ച് തയ്യാറാക്കിയ മത്സ്യം, കാവിയാര്‍, ക്രസ്റ്റേഷ്യനുകള്‍ എന്നിവയും 12 ശതമാനത്തില്‍ നിന്ന് 5 ശതമാനമായി കുറച്ചു.

സംരക്ഷിത രൂപത്തിലുള്ള പച്ചക്കറികളും പഴങ്ങളും

സംരക്ഷിത പച്ചക്കറികള്‍, പഴങ്ങള്‍, കൂണുകള്‍ എന്നിവയ്ക്കും നികുതി കുറച്ചിട്ടുണ്ട്. വിനാഗിരിയില്‍ നിന്ന് വ്യത്യസ്തമായി തയാറാക്കിയ തക്കാളിക്ക് നേരത്തെ 12 ശതമാനമായിരുന്നു, ഇപ്പോള്‍ അഞ്ചു ശതമാനമാണ് നികുതി.

വ്യത്യസ്ത രീതികളില്‍ സൂക്ഷിക്കുന്ന കൂണ്‍, ട്രഫിള്‍സ്, മറ്റ് പച്ചക്കറികള്‍ എന്നിവയ്ക്കും ഇതേ വില ബാധകമാണ്. അച്ചാറുകള്‍, ജാം, ജെല്ലികള്‍, മാര്‍മാലേഡുകള്‍, ഫ്രൂട്ട് പേസ്റ്റുകള്‍, പ്യൂരികള്‍ എന്നിവയും 12 ശതമാനത്തില്‍ നിന്ന് അഞ്ചു ശതമാനമായി ഉയര്‍ന്നു.

മാമ്പഴം, നാരങ്ങ, ഓറഞ്ച് എന്നിവയില്‍ നിന്ന് ഉണ്ടാക്കുന്ന സ്‌ക്വാഷ്, പഴ പാനീയങ്ങള്‍ എന്നിവയും ഇപ്പോള്‍ 5 ശതമാനം വിഭാഗത്തിലാണ്.

പഞ്ചസാരയും മധുരപലഹാരങ്ങളും

പഞ്ചസാര തിളപ്പിച്ച മധുരപലഹാരങ്ങള്‍ക്ക് നേരത്തെ 12 ശതമാനം നികുതി ഈടാക്കിയിരുന്നു, ഇനി മുതല്‍ അഞ്ച് ശതമാനം നികുതി മാത്രമേ ഈടാക്കൂ. പാസ്ത, നൂഡില്‍സ്, മക്രോണി, ലസാഗ്‌നെ, റാവിയോളി, സമാനമായ ഭക്ഷ്യ ഉല്‍പ്പന്നങ്ങള്‍ എന്നിവയും 12 ശതമാനത്തില്‍ നിന്ന് അഞ്ചു ശതമാനമായി കുറച്ചു.

ഉപ്പിട്ട ലഘുഭക്ഷണങ്ങള്‍ പോലുള്ള എക്‌സ്ട്രൂഡ് ചെയ്തതോ വികസിപ്പിച്ചതോ ആയ രുചികരമായ ഉല്‍പ്പന്നങ്ങളുടെയും വില 12 ശതമാനത്തില്‍ നിന്ന് അഞ്ച് ശതമാനമായി കുറഞ്ഞു.

33 ജീവന്‍രക്ഷാ മരുന്നുകള്‍ക്ക് നികുതിയില്ല

33 ജീവന്‍രക്ഷാമരുന്നുകളെ നികുതിയില്‍ നിന്ന് ഒഴിവാക്കിയിട്ടുണ്ട്. ഇത് ചികില്‍സാ ചിലവുകള്‍ കുറയ്ക്കാന്‍ സഹായിക്കും.

കാറുകള്‍, ആംബുലന്‍സ്, മൂന്നുചക്ര വാഹനങ്ങള്‍, ടി.വി, മോണിറ്റര്‍, പ്രൊജക്ടര്‍, സെറ്റ്‌ടോപ് ബോക്‌സ്, ഡിഷ് വാഷിങ് മെഷീന്‍, എയര്‍ കണ്ടീഷനര്‍, കൂളര്‍, മാര്‍ബിള്‍, ഗ്രാനൈറ്റ് തുടങ്ങിയവക്ക് ജി.എസ്.ടി 28 ശതമാനത്തില്‍നിന്ന് 18 ശതമാനമാക്കി. ഇലക്ട്രോണിക് അല്ലാത്ത കളിപ്പാട്ടങ്ങള്‍ക്ക് 12 ശതമാനത്തില്‍നിന്ന് അഞ്ച് ശതമാനമാക്കി. നിത്യോപയോഗ സാധനങ്ങളും വാഹനങ്ങളും ഇലക്ട്രോണിക് ഉപകരണങ്ങളും ഉള്‍പ്പെടെ മിക്ക സാധനങ്ങള്‍ക്കും വില കുറയും.

മദ്യത്തിനും പുകയിലയ്ക്കും 40 ശതമാനം
അതേസമയം, മദ്യം, പുകയില ഉല്‍പന്നങ്ങള്‍, കോള ഉള്‍പ്പെടെ മധുര പാനീയങ്ങള്‍ എന്നിവക്ക് 40 ശതമാനം നിരക്ക് ബാധകമാക്കും. ചില ആഢംബര ഉല്‍പന്നങ്ങള്‍ക്കും 40 ശതമാനമാണ് നികുതി. 1500 സി.സിയില്‍ കൂടുതല്‍ ശക്തിയും നാല് മീറ്ററില്‍ കൂടുതല്‍ നീളവുമുള്ള ഡീസല്‍ -ഇലക്ട്രിക് കാറുകളും 1200 സി.സിയില്‍ കൂടുതല്‍ ശക്തിയും നാല് മീറ്ററിലധികം നീളവുമുള്ള പെട്രോള്‍ കാറുകളും 350 സി.സിയില്‍ കൂടുതലുള്ള ബൈക്കുകളും റേസിങ് കാറുകളും 40 ശതമാനം നികുതി പരിധിയിലാണ് വരിക.

2500 രൂപക്ക് മുകളിലുള്ള പരുത്തി മെത്തകള്‍ക്ക് 12 ശതമാനത്തില്‍നിന്ന് 18 ശതമാനമായി നികുതി വര്‍ധിപ്പിക്കുന്നു. സെപ്റ്റംബര്‍ 22 മുതലാണ് പ്രാബല്യം. നികുതി കുറക്കുന്നതിലൂടെ പ്രതിവര്‍ഷം 80000 കോടി രൂപയോളം കേന്ദ്ര, സംസ്ഥാന സര്‍ക്കാറുകള്‍ക്കായി വരുമാന നഷ്ടമുണ്ടാകുമെന്നാണ് കണക്കുകൂട്ടല്‍. അതേസമയം, ഇടപാടുകള്‍ വര്‍ധിക്കുകയും വിപണിക്ക് ഉണര്‍വുണ്ടാവുകയും ചെയ്യും.